ప్రముఖ రచయిత సిరివెన్నెల సీతారామశాస్త్రికి నివాళిగా రూపొందిన కార్యక్రమం ‘నా ఉచ్ఛ్వాసం కవనం’. శృతిలయ ఫౌండేషన్ నిర్వహణలో కర్టెన్ రైజర్ ఈవెంట్‌‌ను హైదరాబాద్‌‌లో నిర్వహించారు. దర్శకుడు కృష్ణవంశీ అతిథిగా హాజరై టీజర్‌‌‌‌ను రిలీజ్ చేశారు. అనంతరం ఆయన మాట్లాడుతూ ‘సీతారామశాస్త్రి గారి పరిచయం ఒక అదృష్టంగా భావిస్తా. నేను ఏ సినిమా మొదలుపెట్టినా ముందు ఆయన దగ్గరకు వెళ్లి పాటల గురించి డిస్కస్ చేస్తుండేవాడిని.
నా కొత్త సినిమాకు పాటలు ఏం చేయాలో అర్థం కావడం లేదు. శాస్త్రి గారు లేకపోవడం వల్ల అనాథగా మారిన భావన కలుగుతోంది’ అని అన్నారు. ఈ కార్యక్రమంలో ఎగ్జిక్యూటివ్ ప్రొడ్యూసర్ రామ్, సిరివెన్నెల సీతారామశాస్త్రి సోదరుడు శ్రీరామ్ శాస్త్రి, సింగర్ పార్థసారధి, డాక్టర్ గురువారెడ్డి.. సిరివెన్నెల సీతారామశాస్త్రితో తమకున్న అనుబంధాన్ని గుర్తు చేసుకున్నారు.
