బషీర్ బాగ్, వెలుగు: మనిషి సొంతంగా ఆలోచించడం మరిచిపోతున్నాడని, బానిసత్వ మనస్తత్వంతో జీవించే స్థితికి చేరుతున్నాడని త్రిదండి చినజీయర్ స్వామి అన్నారు. గురువారం నాంపల్లి ఎగ్జిబిషన్ గ్రౌండ్స్ లో హిందు ఆధ్యాత్మిక, సేవా ఫౌండేషన్ ఆధ్వర్యంలో ఏర్పాటు చేసిన హిందూ ఆధ్యాత్మిక సేవా మేళాను రామకృష్ణ మఠ్ స్వామిజీ శితికంఠనంద స్వామిజీ , ఏపీ మాజీ చీఫ్ సెక్రెటరీ ఎల్వీ సుబ్రహ్మణ్యం , ఆర్ఎస్ఎస్ జాతీయ సహ కార్యవాహ భాగయ్య, ఫౌండేషన్ అధ్యక్షుడు చంద్రశేఖర్, కార్యదర్శి రామమూర్తితో కలిసి చినజీయర ప్రారంభించారు. సనాతన ధర్మానికి సంబంధించిన కార్యక్రమాలను ఒకే వేదిక ద్వారా నిర్వహించడం గొప్ప విషయమన్నారు.
