యాదాద్రి, వెలుగు : ట్రిపుల్ఆర్ అలైన్మెంట్ మార్చాలని యాదాద్రి జిల్లా రాయగిరికి చెందిన వందల మంది బాధితులు సోమవారం కలెక్టరేట్ను ముట్టడించారు. భూ సేకరణపై నోటిఫికేషన్జారీ కాగా, ఇందులో రాయగిరికి చెందిన 70 మందికి సంబంధించిన 266 ఎకరాలు పోతున్నాయి. దీంతో ఆందోళన చెందిన రైతన్నలు భువనగిరి బైపాస్ మీదుగా ర్యాలీగా వచ్చి యాదాద్రి కలెక్టరేట్ను ముట్టడించారు. హైదరాబాద్–వరంగల్ రోడ్డుపై బైఠాయించారు.
బస్సులు నిలిచిపోవడంతో బైపాస్మీదుగా పంపించేందుకు పోలీసులు ప్రయత్నించగా.. బాధితులు అడ్డుకున్నారు. దీంతో కలెక్టరేట్గేటు వద్దే ఓ ఆర్టీసీ బస్సు నిలిచిపోయింది. పోలీసులు వారిని కలెక్టరేట్లోపలికి వెళ్లనీయకపోవడంతో కలెక్టరేబయటకు రావాలంటూ నినదించారు. కలెక్టర్పమేలా సత్పతి ప్రజావాణిలో ఉన్నప్పటికీ లేరని చెప్పినా వినలేదు. చివరకు అడిషనల్కలెక్టర్శ్రీనివాసరెడ్డి అక్కడికి చేరుకొని మాట్లాడారు. రైతుల సమస్య గురించి ఉన్నతాధికారులకు వివరిస్తామని సముదాయించారు. బాధితుల నుంచి సహకారం అందే వరకూ సర్వే నిలిపి వేయిస్తామని హామీ ఇచ్చారు. తర్వాత బాధితుల తరపున ప్రతినిధుల బృందాన్ని కలెక్టర్ ప్రజావాణి చాంబర్కు పిలిపించుకొని వినతిపత్రాన్ని తీసుకుకున్నారు.
కలెక్టరేట్కు చౌటుప్పల్ బాధితులు
రాస్తారోకో తర్వాత ట్రిపుల్ఆర్కారణంగా ఇండ్లు కోల్పోతున్నామని చౌటుప్పల్ చెందిన బాధితులు కలెక్టరేట్కు వచ్చారు. కలెక్టర్ లేకపోవడంతో అడిషనల్ కలెక్టర్ శ్రీనివాసరెడ్డిని కలిసి 500 ఇండ్లను కోల్పోతున్నామని, అలైన్మెంట్మార్చాలని వినతిపత్రం ఇచ్చారు.
ఫాం హౌస్ పోతదనే అలైన్మెంట్ మార్పించిండు : ఎంపీ కోమటిరెడ్డి
నిజానికి ట్రిపుల్ఆర్ కేసీఆర్ ఫాంహౌస్ పక్క నుంచి రావాల్సి ఉండేదని, అది పోతుందనే అనైన్మెంట్మార్పించిండని భువనగిరి ఎంపీ కోమటిరెడ్డి వెంకటరెడ్డి అన్నారు. భువనగిరికి వచ్చిన ఆయనను రాయగిరి బాధితులు కలిసి వినతి పత్రం ఇచ్చారు. తర్వాత భువనగిరి బైపాస్పై రాస్తారోకో చేయగా ఎంపీ కోమటిరెడ్డి సంఘీభావం ప్రకటించి మాట్లాడారు. ప్రభుత్వ భూములున్నచోటు నుంచి ట్రిపుల్ఆర్వెళ్లేలా చూడాలని డిమాండ్ చేశారు. అలైన్మెంట్ మార్పు కోసం కేంద్ర మంత్రి నితిన్గడ్కరీ, నేషనల్హైవే ఆఫీర్లను కలిశానని చెప్పారు. అవసరమైతే బాధితులను ఢిల్లీకి తీసుకెళ్లి కేంద్రమంత్రితో కలిపిస్తానని అన్నారు. భూ సేకరణ కోసం ఆఫీసర్లు హద్దులు పాతితే వాటిని తొలగించాలని సూచించారు. బైపాస్పై భారీ సంఖ్యలో వాహనాలు నిలిచిపోవడంతో బాధితులు రాస్తారోకో విరమించి కలెక్టరేట్వైపునకు ర్యాలీగా వెళ్లారు.
