ఎఫ్1 వీసాలే కాదు.. అప్పటికే అమెరికాలో సెటిల్ అయి గ్రీన్ కార్డు ఉన్నవాళ్లు, హెచ్1బీ వీసాపై జాబ్ చేసే వాళ్లకూ ట్రంప్ సర్కారు కఠిన నిబంధనలు విధించింది. గ్రీన్ కార్డు ఉన్నంత మాత్రాన అది అమెరికా పౌరసత్వం అయిపోదని ట్రంప్తోపాటు అక్కడి అధికారులు తేల్చి చెబుతున్నారు. ఈ పరిస్థితుల్లోనే గ్రీన్ కార్డు ఉన్నవాళ్లు అమెరికా నుంచి తమ సొంతూళ్లకు వెళ్లి చాలా కాలం తర్వాత మళ్లీ అమెరికాకు వెళ్లినా సవాళ్లను ఎదుర్కోవాల్సి వస్తుందని ఇమిగ్రేషన్ నిపుణులు అంటున్నారు.
6 నెలలకన్నా ఎక్కువ అమెరికా బయట ఉండి తిరిగి వచ్చేటోళ్లు ఇమిగ్రేషన్ ఆఫీసులు, ఎయిర్పోర్టుల్లో కఠినమైన పరీక్షలను ఎదుర్కోవాల్సి ఉంటుందని చెబుతున్నారు. వారు అన్ని రోజులు వేరే ప్రాంతాల్లో గడపడానికి గల కారణాలపై కస్టమ్స్, బోర్డర్ సెక్యూరిటీ అధికారులు ప్రశ్నిస్తున్నారని అంటున్నారు. ప్రతి డాక్యుమెంట్నూ నిశితంగా పరిశీలిస్తున్నారని అంటున్నారు.
Also Read :- మరో బాంబ్ పేల్చిన ట్రంప్.. కుప్పకూలిన స్టాక్ మార్కెట్స్, అలర్ట్
సొంత దేశ పాస్పోర్టు, గ్రీన్కార్డు, హెచ్1బీ వీసా పర్మిట్, రీఎంట్రీ పర్మిట్, ఎంప్లాయ్మెంట్ వెరిఫికేషన్ లెటర్, ట్యాక్స్పేమెంట్ ప్రూఫ్, పే స్లిప్స్, స్టూడెంట్లయితే యూనివర్సిటీ అడ్మిషన్ లెటర్, అమెరికా బ్యాంక్ అకౌంట్, అమెరికా డ్రైవింగ్ లైసెన్స్ వంటి డాక్యుమెంట్లన్నింటినీ క్షుణ్నంగా తనిఖీ చేస్తున్నట్టు చెబుతున్నారు.
