అంతర్జాతీయ అంతరిక్ష కేంద్రం(ఐఎస్ఎస్)లో చిక్కుకుపోయిన నాసా ఆస్ట్రోనాట్లు సునీతా విలియమ్స్, బుచ్ విల్ మోర్పై ట్రంప్ జోకులు పేల్చారు. గురువారం వైట్ హౌస్లోని ఓవల్ ఆఫీసులో ఆయన ఓ టీవీ చానెల్ ఇంటర్వ్యూలో మాట్లాడుతూ.. ‘‘నేను సునీతా విలియమ్స్ ను చూశాను. మంచి హెయిర్, సాలిడ్ హెడ్తో చాలా బాగుంటుంది. వాళ్లిద్దరూ (సునీత, బుచ్) అక్కడ చిక్కుకుపోయారు. వారు ఒకరినొకరు ఇష్టపడుతుండొచ్చు. నాకు తెలియదు. కానీ ఇద్దరూ అక్కడే చిక్కుకుపోయారంటే ఆలోచించాల్సిందే” అని చమత్కరించారు.
మేమూ కూడా ఆపుతున్నాం: కెనడా
టారిఫ్ల వాయిదాపై ట్రంప్ ప్రకటన తర్వాత కెనడా మంత్రి డొమినిక్ లెబ్లాన్స్ ‘ఎక్స్’లో స్పందించారు. ‘‘125 బిలియన్ డాలర్ల విలువైన అమెరికన్ వస్తువులపై విధించిన టారిఫ్ల అమలును మేం కూడా ఏప్రిల్ 2 దాకా నిలిపివేస్తున్నాం. అన్ని టారిఫ్లను తొలగించేందుకు కృషి చేస్తున్నాం”అని డొమినిక్ తెలిపారు. అయితే, కెనడా ప్రధాని జస్టిన్ ట్రూడో మాత్రం అమెరికాతో తమ ట్రేడ్ వార్ అలాగే ఉందని గురువారం చెప్పారు.
