వాషింగ్టన్: బ్రిక్స్ దేశాలకు అమెరికా ప్రెసిడెంట్ డొనాల్డ్ ట్రంప్ గట్టి వార్నింగ్ ఇచ్చారు. అమెరికా డాలర్ను రీప్లేస్ చేయడానికి యత్నిస్తే, బ్రిక్స్ దేశాల నుంచి తమ దేశంలోకి దిగుమతి అయ్యే సరుకులపై 100% టారిఫ్ విధిస్తానని ఆయన హెచ్చరించారు. డాలర్కు ప్రత్యామ్నాయ కరెన్సీ దిశగా ప్రయత్నిస్తే తీవ్ర పరిణామాలు ఎదుర్కోవాల్సి వస్తుందన్నారు. ‘‘బ్రిక్స్ దేశాలు సొంతంగా వాటి కరెన్సీ తయారు చేయకుండా చూడాలి. శక్తివంతమైన మన అమెరికా డాలర్ను ఏ ఇతర కరెన్సీతో కూడా ఆ దేశాలు భర్తీ చేయరాదు.
ఒకవేళ అలాంటి ప్రయత్నంచేస్తే, ఆ దేశాల నుంచి అమెరికాకు వచ్చే దిగుమతులపై బరాబర్ 100 శాతం సుంకాలు విధిస్తా. అలాగే, ఆ దేశాలు అమెరికాకు గుడ్ బై చెప్పాల్సిన పరిస్థితి కల్పిస్తా” అని ట్రంప్ పేర్కొన్నారు. మరోవైపు, ప్రైమరీ రిజర్వ్ కరెన్సీగా అమెరికా డాలర్పై అంతర్జాతీయంగా నమ్మకం ఉందని అట్లాంటిక్ కౌన్సిల్కు చెందిన జియో ఎకనామిక్స్ సెంటర్ 2024లో నిర్వహించిన సర్వేలో తేలింది. అమెరికా డాలర్ కు ప్రత్యామ్నాయం కనుగొనడానికి చేసిన ప్రయత్నాలన్నీ విఫలమయ్యాయని పేర్కొంది.
