న్యూయార్క్: అమెరికా నుంచి ఎగుమతి అయ్యే విస్కీపై యూరోపియన్యూనియన్ విధించిన టారిఫ్లు ఎత్తేయకుంటే.. ఆ దేశాలనుంచి వచ్చే అన్ని రకాల వైన్లు, ఇతర ఆల్కహాలిక్ ఉత్పత్తులపై తాము 200% సుంకాలు విధిస్తామని అమెరికా అధ్యక్షుడు డొనాల్డ్ ట్రంప్ హెచ్చరించారు. ప్రపంచంలోనే అత్యంత దుర్వినియోగం చేసే ట్యాక్సింగ్, టారిఫింగ్వ్యవస్థ ఈయూదని మండిపడ్డారు. యూఎస్నుంచి అధికంగా ప్రయోజనం పొందుతున్నదని చెప్పారు.
తమ దేశం నుంచి దిగుమతి చేసుకునే విస్కీపై 50 శాతం టారిఫ్విధించిందని సోషల్మీడియా ప్లాట్ఫామ్ ‘ట్రూత్’ వేదికగా వెల్లడించారు. ‘‘ఈ టారిఫ్ను వెంటనే తొలగించకపోతే ఫ్రాన్స్, ఈయూ ప్రాతినిధ్యం వహిస్తున్న దేశాల నుంచి వచ్చే అన్ని వైన్లు, షాంపైన్లు, ఆల్కహాల్ ఉత్పత్తులపై అమెరికా త్వరలో 200% సుంకాన్ని విధిస్తుంది. ఇది యూఎస్లోని వైన్, షాంపైన్ వ్యాపారాలకు లాభదాయకంగా ఉంటుంది” అని తెలిపారు. కాగా, ఒకరోజుముందు ఉక్కు, అల్యూమినియంపై 25 శాతం సుంకాలు విధిస్తున్నట్టు ట్రంప్ ప్రకటించిన కొద్దిసేపటికే ఈయూ సైతం అగ్రరాజ్యంపై సుంకాలను విధించింది.
జోరుగా ‘బాయ్కాట్ యూఎస్ఏ’ ప్రచారం..
అధికారంలోకి వచ్చిన నాటినుంచి డొనాల్డ్ట్రంప్ అన్ని దేశాలపై ఎడాపెడా టారిఫ్లు విధిస్తుండడంతో ఇది వాణిజ్య యుద్ధానికి దారితీస్తున్నది. కెనడా, మెక్సికో, చైనా, ఈయూసహా చాలా దేశాలపై సుంకాలతో విరుచుకుపడడంతో ‘బాయ్కాట్యూఎస్ఏ’ నినాదం ఊపందుకుంటున్నది. గత 7 రోజుల్లో ఈయూ దేశాలతోపాటు కెనడాలో గూగుల్లో ఈ నినాదం టాప్లో ఉన్నది. యూఎస్ఏ ప్రొడక్ట్స్ను బాయ్కాట్చేయాలని ఫేస్బుక్ గ్రూప్స్లు కూడా ఏర్పాటు చేశారు.
డెన్మార్క్కు చెందిన ఫేస్బుక్గ్రూప్ 73 వేల మందితో మొదటి స్థానంలో ఉండగా.. ఆ తర్వాతి స్థానంలో లక్సెంబర్గ్ ఉన్నది. గూగుల్లో యూఎస్ బాయ్కాట్ నినాదం మార్మోగుతున్న దేశాల్లో ఈయూ, ఫ్రాన్స్ 3, స్వీడన్ 4, కెనడా ఐదో స్థానంలో కొనసాగుతున్నాయి. కెనాడాలోనైతే ఎక్కడ చూసినా ‘కెనడా అమ్మాకానికి లేదు’ అనే టోపీలు దర్శనమిస్తున్నాయి. కెనాడాలోని చాలా ఫ్రావిన్స్లలో అమెరికా లో తయారైన ఆల్కహాల్ను తిరస్కరిస్తున్నారు.
