నిజామాబాద్, వెలుగు: ఏకగ్రీవ పంచాయతీలకు సర్కారు ఇస్తామన్న రూ .10 లక్షల ప్రోత్సాహకం నేటికీ అందలేదు. మరో 7 నెలల్లో ప్రస్తుత సర్పంచుల పదవీకాలం ముగియనుండగా, ఎక్కడా నజరానా ఊసు వినిపించడం లేదు. జిల్లాలో యునానిమస్గా ఎన్నికైన 120 పంచాయతీలకు అందాల్సిన రూ.12 కోట్ల సొమ్ము కోసం సర్పంచులు ఎదురుచూస్తున్నారు.
గిరిజన జీపీలే అధికం..
జిల్లాలో కొత్తగా ఏర్పాటు చేసిన 140 పంచాయతీలతో కలిపి మొత్తం 530 జీపీలకు 2019, జనవరి 22 న ఎలక్షన్పెట్టారు. వీటిలో 120 పంచాయతీలకు పాలకులు యునానిమస్గా ఎంపికయ్యారు. కొత్త జీపీలుగా ఏర్పడిన వాటిలో గిరిజన తండాలు ఎక్కువగా ఉన్నాయి. వీటికి ఇన్కమ్సోర్స్పెద్దగా ఉండదు. ఏకగ్రీవ నజరానాతో అందే నగదుతో అభివృద్ధి పనులు చేసుకోవచ్చని భావించిన అనేక తండాలు పాలకులను యునానిమస్గా ఎన్నుకున్నారు.
సొమ్ము పెంచి దాటవేత..
2019 ఎలక్షన్లకు ముందు మైనర్ ఏకగ్రీవ పంచాయతీలకు రూ.5 లక్షలు, మేజర్ జీపీలకు రూ.8 లక్షల నజరానా ఉండేది. దీన్ని రూ.10 లక్షలకు పెంచారు. కానీ నిధులు విడుదల చేసేందుకు దాటవేత ధోరణి అవలంబిస్తున్నారు. 2024, ఫిబ్రవరితో పదవీకాలం ముగుస్తుందని, ఇంకా ఎప్పడిస్తారంటూ పల్లెపాలకులు ప్రశ్నిస్తున్నారు.
జీవో రాలే: జయసుధ, డీపీవో
ఏకగ్రీవ ఎన్నిక జరిగిన జీపీలకు రూ.10 లక్షల నజరానా ఇస్తామని గవర్నమెంట్ ప్రకటించింది. కానీ ఇందుకు సంబంధించిన జీవో రాలేదు. ఏకగ్రీవ నజరానా ఇవ్వాలని సంబంధిత సర్పంచులు ప్రశ్నిస్తున్నారు. కానీ మా చేతుల్లో ఏం లేదు.
నజరానా వెంటనే రిలీజ్ చేయాలి
యునానిమస్జీపీలకు గవర్నమెంట్ఇస్తానన్న రూ.10 లక్షల నజరానా ఇప్పటివరకు ఇవ్వలేదు. ఇప్పటికే చాలా లేట్ అయింది, ఇంకా ఆలస్యం చేయొద్దు. ఆ డబ్బులేవో ఇస్తే గ్రామాభివృద్ధికి సహాయపడుతుంది.
–గంగారాం నాయక్, సర్పంచ్, ధర్మారం తండా
