హైదరాబాద్,వెలుగు : ఎల్ఎల్బీ, ఎల్ఎల్ఎం కోర్సుల్లో అడ్మిషన్ల కోసం నిర్వహించనున్న టీఎస్ లాసెట్, పీజీ ఎల్సెట్ ఎగ్జామ్ను జూన్ 3న నిర్వహించనున్నామని లాసెట్ కన్వీనర్ విజయలక్ష్మి తెలిపారు. సోమవారం ఉదయం 9 గంటల నుంచి 10.30 గంటల వరకు, మధ్యాహ్నం 12.30 గంటల నుంచి 2 గంటల వరకు, సాయంత్రం 4 గంటల నుంచి 5.30 గంటల వరకు మూడు సెషన్లలో పరీక్ష నిర్వహిస్తామని చెప్పారు.
మూడేండ్ల ఎల్ఎల్ బీ కోర్సులో సీట్ల కోసం 36,079 మంది, ఐదేండ్ల ఎల్ఎల్బీ కోర్సు కోసం 10,197 మంది, రెండేండ్ల ఎల్ఎల్ఎం కోర్సు కోసం 4,408 మంది దరఖాస్తు చేసుకున్నారని పేర్కొన్నారు. మొత్తంగా ఈ పరీక్షల కోసం 50,684 మంది దరఖాస్తు చేసుకోగా 68 పరీక్షా కేంద్రాలను ఏర్పాటు చేశామన్నారు.
