తెలంగాణ రాష్ట్ర అర్హత పరీక్ష(టీఎస్‌ సెట్‌)-2024 నోటిఫికేషన్ ఉస్మానియా విశ్వవిద్యాలయం విడుదల చేసింది. రాష్ట్రంలోని అసిస్టెంట్‌ ప్రొఫెసర్, డిగ్రీ కళాశాలల లెక్చరర్ నియామకాల అర్హత సాధించేందుకు రాష్ట్ర ప్రభుత్వం టీఎస్‌ సెట్‌ నిర్వహిస్తోంది.
అర్హత: కనీసం 55 శాతం మార్కులతో సంబంధిత సబ్జెక్టులో మాస్టర్స్ డిగ్రీ (ఎంఏ, ఎంస్సీ, ఎంకాం, ఎంబీఏ, ఎంఎల్‌‌ఐఎస్సీ, ఎంఈడీ, ఎంపీఈడీ, ఎంసీజే, ఎల్‌‌ఎల్‌‌ఎం, ఎంసీఏ, ఎంటెక్‌(సీఎస్ఈ, ఐటీ)) ఉత్తీర్ణులై ఉండాలి. గరిష్ట వయోపరిమితి లేదు.
దరఖాస్తులు: అర్హులైన అభ్యర్థులు ఆన్లైన్లో మే 14 నుంచి జులై 2 వరకు దరఖాస్తు చేసుకోవచ్చు. పరీక్ష ఆగస్టు 28, 29, 30, 31 తేదీల్లో నిర్వహిస్తారు. పూర్తి వివరాలకు www.telanganaset.org వెబ్సైట్లో సంప్రదించాలి.
