సంగారెడ్డి టౌన్, వెలుగు: వాసవి మా ఇల్లు పేదలకు చేస్తున్న సేవలు అభినందనీయమని టీజీఐఐసీ చైర్మన్ నిర్మల జగ్గారెడ్డి అన్నారు. మంగళవారం సంగారెడ్డి కలెక్టరేట్ లో వాసవి మా ఇల్లు ఆధ్వర్యంలో స్టూడెంట్స్కు దుప్పట్లు పంపిణీ చేశారు. ఈ సందర్భంగా ఆమె మాట్లాడుతూ.. మానవసేవయే మాధవసేవ గా భావిస్తూ తోపాజి అనంత్ కిషన్ చేస్తున్న సేవలను కొనియాడారు. కలెక్టర్ క్రాంతి మాట్లాడుతూ హాస్టల్స్టూడెంట్స్కు చలికాలంలో ఉచితంగా దుప్పట్లను పంపిణీ చేయడం మంచి కార్యక్రమం అన్నారు.
అనంత కిషన్ మాట్లాడుతూ చేసిన సేవలకు గుర్తింపుగా జాతీయస్థాయిలో గుర్తింపు రావడం ఆనందంగా ఉందన్నారు. అనంతరం నిర్మల జగ్గారెడ్డి చేతుల మీదుగా గుర్తింపు పత్రాన్ని అందుకున్నారు. కార్యక్రమంలో అడిషనల్కలెక్టర్లు చంద్రశేఖర్, మాధురి సంస్థ ప్రధాన కార్యదర్శి ప్రకాశ్, విద్యాసాగర్, పాండురంగం, మదన్మోహన్, సంతోష్, కౌన్సిలర్ నాగరాజు పాల్గొన్నారు .
