హైదరాబాద్, వెలుగు: గ్రూప్ 4 తుది ఫలితాలు విడుదలయ్యాయి. మొత్తం 8,084 మందితో కూడిన అభ్యర్థుల లిస్టును తెలంగాణ పబ్లిక్ సర్వీస్ కమిషన్ గురువారం రిలీజ్ చేసింది. జిల్లాల వారీగా లిస్టును కమిషన్ అధికారిక వెబ్‌‌‌‌‌‌‌‌సైట్‌ www.tspsc.gov.in లో పెట్టింది. కాగా, రాష్ట్రంలోని 8,180 పోస్టుల భర్తీకి 2022 డిసెంబర్ 1న టీజీపీఎస్సీ నోటిఫికేషన్ రిలీజ్ చేసింది. ఆయా పోస్టులకు 9,51,321 మంది అభ్యర్థులు అప్లై చేసుకున్నారు.
వారందరికీ గతేడాది జులై 1న రాత పరీక్షలు నిర్వహించింది. అనంతరం మెరిట్ అభ్యర్థుల సర్టిఫికెట్ల వెరిఫికేషన్ చేపట్టింది. ఈ ప్రక్రియంతా పూర్తికావడంతో గురువారం ప్రొవిజినల్ సెలెక్షన్ లిస్టును టీజీపీఎస్సీ ప్రకటించింది. మొత్తం 8,084 మందిని ఎంపిక చేసినట్టు వెల్లడించారు. వివిధ కారణాలతో 96 పోస్టులను పెండింగ్లో పెట్టారు.
