కరీంనగర్, వెలుగు: పెళ్లిళ్లు, దైవదర్శనాలు, టూర్లతో పాటు ఇతర ప్రయాణాలకు ఇచ్చే ఆర్టీసీ బస్ బుకింగ్ రేట్లను టీజీఎస్ఆర్టీసీ భారీగా తగ్గించింది. ఈ మేరకు బుధవారం ఓ ప్రకటన జారీ చేసింది. పల్లె వెలుగు బస్సులకు గతంలో కిలోమీటర్ కు రూ.68 చొప్పున ఉండగా దానిని రూ.52కు తగ్గించింది.
ఎక్స్ ప్రెస్ బస్సులకు కిలోమీటర్ కు రూ.69 నుంచి రూ.62, డీలక్స్ బస్సులకు కిలో మీటర్కు రూ.65 నుంచి రూ.57, సూపర్ లగ్జరీ బస్సులకు కిలోమీటర్ కు రూ.65 నుంచి రూ.59కి తగ్గించింది.
