దసరా పండుగ నేపథ్యంలో టిఎస్ఆర్టీసీ ప్రత్యేక బస్సులను నడపనుంది. అక్టోబర్13వ తేది నుంచి 24వ తేదీ వరకు స్కూల్స్, కాలేజీలకు ప్రభుత్వం దసరా సెలవులు ప్రకటించడంతో తమ పిల్లలతో ప్రజలు హైదరాబాద్ నగరంతోపాటు పలు పట్టాణాల నుంచి సొంత ఊర్లకు వెళ్లనున్నారు. ఈ నేపథ్యంలో ప్రయాణికులకు ఎలాంటి అసౌకర్యం కలుగకుండా ప్రత్యేక బస్సు సర్వీసులను నడపాలని రాష్ట్ర రోడ్డు రవాణా సంస్థ(టిఎస్ఆర్టీసి) నిర్ణయించింది.
Also Read:- పోస్ పోర్టు ఆఫీసుల్లో స్పెషల్ డ్రైవ్
2023, అక్టోబర్ 13వ తేదీ నుంచి అక్టోబర్25వ తేదీ వరకు రాష్ట్రంలో ప్రత్యేక బస్సు సర్వీసులు అందుబాటులో ఉంటాయని వెల్లడించింది. దసరా పండుగకు సొంత ఊర్లకు వెళ్లే ప్రయాణికుల కోసం రాష్ట్ర వ్యాప్తంగా 5,265 అదనపు సర్వీసులను నడుపనున్నట్లు తెలిపింది. పండగ సీజన్ అయినా.. ప్రత్యేక బస్సుల్లో ఎలాంటి అదనపు ఛార్జీలు ఉండవని, సాధారణ ఛార్జీలతోనే ప్రత్యేక బస్సుల్లో ప్రయాణం చేయవచ్చని టిఎస్ఆర్టీసీ పేర్కొంది.
