హైదరాబాద్, వెలుగు: ఇటీవల టీటీడీ చైర్మన్గా బాధ్యతలు చేపట్టిన బీఆర్నాయుడును మీడియా అకాడమీ చైర్మన్ శ్రీనివాస్ రెడ్డితోపాటు పలువురు సీనియర్ జర్నలిస్టులు శనివారం జూబ్లీహిల్స్లో సన్మానించారు. ఈ సందర్భంగా బీఆర్ నాయుడు మాట్లాడుతూ.. టీటీడీని ప్రక్షాళన చేస్తానని చెప్పారు. మొదటి బోర్డు మీటింగ్ లోనే ప్రక్షాళనకు సంబంధించి ఎన్నో కీలక నిర్ణయాలు తీసుకున్నామని, సభ్యులు అన్నింటినీ ఆమోదించడం అభినందనీయమని తెలిపారు.
మీడియా కుటుంబం నిర్వహించింది అభినందన సభ కాదని, ఆశీర్వాద సభ అని ఆనందం వ్యక్తం చేశారు. శ్రీవారి దర్శనాల్లో జర్నలిస్టులకు ఇబ్బంది లేకుండా చూస్తానని ప్రకటించారు. టీటీడీ బోర్డు మెంబర్ నన్నూరి నర్సిరెడ్డి, సీఎం సీపీఆర్వో అయోధ్యరెడ్డి, సీనియర్ జర్నలిస్టులు రాంచంద్రమూర్తి, బండారు శ్రీనివాసరావు, విరాహాత్ ఆలీ, మహా న్యూస్ సీఈఓ వంశీ పాల్గొన్నారు.
