శంషాబాద్, వెలుగు: టీటీడీ బోర్డు చైర్మన్ గా నియమితులైన బీఆర్ నాయుడు శంషాబాద్ మండలం శ్రీరామనగరంలో చినజీయర్ స్వామిని మర్యాద పూర్వకంగా కలిశారు. పూలమాల వేసి ఆశీర్వాదం తీసుకున్నారు. శాలువా, పూలమాలతో చినజీయర్ స్వామి బీఆర్ నాయుడిని సత్కరించి శుభాకాంక్షలు తెలిపారు.
సమతామూర్తి స్ఫూర్తి కేంద్రం విశేషాలు, జీవాశ్రమంలో కొనసాగుతున్న ఆధ్యాత్మిక, విద్య, వైద్య సేవలను వివరించారు. తిరుమలలో శ్రీవారి భక్తులకు ఇబ్బందులు లేకుండా మెరుగైన సౌకర్యాలు కల్పించాలని ఆయనకు సూచించారు.
