నిజామాబాద్, వెలుగు : ఈ ఏడాది పసుపు పంట రైతులకు కాసులు కురిపిస్తున్నది. గడిచిన పందేడ్లల్లో 7వేలు కూడా దాటని పసుపు ధర.. ఈసారి అనూహ్యంగా మూడు రేట్లు పెరిగింది. సోమవారం నిజామాబాద్గంజ్లో క్వింటాల్కు రూ.17,011 దక్కగా, మహారాష్ట్రలోని సాంగ్లీలో ఏకంగా19,400 లభించింది. దీంతో పెరిగిన రేట్లపై రైతుల నుంచి హర్షం వ్యక్తమవుతున్న. విదేశాల్లో పసుపుకు డిమండ్ పెరగడమే ధర పెరుగుదలకు కారణమని, అతి త్వరలో క్వింటాల్ రేట్రూ.20 వేలు దాటవచ్చని వ్యాపారులు చెప్తున్నారు.
పెరిగిన దిగుబడి
నిజామాబాద్ మార్కెట్ కమిటీ అవరణలోని గంజ్ కు ఉమ్మడి నిజామాబాద్, కరీంనగర్, అదిలాబాద్ జిల్లాల నుంచి పసుపు దిగుబడులు పోటెత్తుతున్నాయి. నెల కింద సేల్స్ షురూకాగా.. ఇప్పటిదాకా లక్షా 50 వేల క్వింటాళ్లు విక్రయించారు. రూ.14 వేలతో మొదలైన రేట్ఎప్పటికప్పుడు పెరుగుతూ.. తాజాగా రూ.17,011కు చేరింది. ప్రస్తుతం పచ్చి పసుపు వస్తుండగా, పూర్తిగా ఆరబెట్టిన పసుపును తెస్తే మరింత రేటు వచ్చే సూచనలు కనిపిస్తున్నాయి. మహారాష్ట్రలోని సాంగ్లీ మార్కెట్లో ఉడికించి పూర్తిగా ఆరబెట్టిన పాలిష్ పసుపునకు క్వింటాల్ రూ.18,900 దాకా ధర పలుకుతున్నది. దాంతో బాల్కొండ, ఆర్మూర్ సెగ్మెంట్ రైతులు అటు వరుస కట్టారు.
మొన్నటి దాకా నేల చూపులే..
గడిచిన పదేండ్లలో పసుపు రేట్లు క్వింటాల్ కు రూ.6,500 నుంచి రూ.7 వేలకు అటుఇటుగా పలికాయి. దీంతో పెట్టుబడులు కూడా రాక నిజామాబాద్జిల్లాలో సాగును 32వేల ఎకరాల నుంచి 25 వేల ఎకరాలకు తగ్గించారు. మున్ముందు సాగు మరింత తగ్గుతుందని ఆందోళన చెందుతున్న తరుణంలో తాజా రేట్లు ఆశాజనకంగా కనిపిస్తున్నాయి. వచ్చే సీజన్లో సాగు మరింత పెరిగే అవకాశముందని రైతు సంఘాల నేతలు చెప్తున్నారు.
ఈ రేట్ అసలు ఊహించలే
గతేడాది వరకు నాకున్న 22 ఎకరాల్లోని 11 ఎకరాల్లో పసుపు పండిచేవాడ్ని. ఎప్పుడూ క్వింటాల్ రేట్ రూ.7 వేలు దాటలే. దీంతో ఈసారి ఆరెకరాల్లో వేసిన . మహారాష్ట్రలోని సాంగ్లీకి తరలించి క్వింటాల్ రూ.18,900 చొప్పున అమ్మిన. నా తరువాత కాంట పెట్టిన మా విలేజ్కు చెందిన బద్ధం ప్రశాంత్కు రూ.19,400 ధర లభించింది. రూ.20 వేల ధర కచ్చితంగా దాటేలా కనిపిస్తోంది. ఇదే జరిగితే వచ్చే ఏడాది పసుపు సాగు విస్తీర్ణం పెరుగుతుంది.
