స్టైల్గా ఉంటుందని, డ్రైవింగ్ చేసేటప్పుడు ఫోన్ తీసే బెంగ ఉండదని చాలా మంది ఇప్పుడు చెవులకు బ్లూటూత్లు తగిలిస్తున్నరు. కానీ, హ్యాకర్లు వాటినీ వదలట్లేదు. అందులోకి చొరబడిపోయి ఫోన్లలోని డేటా కొట్టేస్తున్నరు. బ్రిటన్కు చెందిన సైబర్ సెక్యూరిటీ నిపుణులు హెచ్చరిస్తున్న ముప్పు ఇది. ‘‘ఇప్పుడు చాలా మంది స్మార్ట్ఫోన్లు వాడుతున్నారు. వాటికి బ్లూటూత్లను కనెక్ట్ చేస్తున్నారు. కానీ, ఆ బ్లూటూత్లనూ హ్యాకర్లు వదిలిపెట్టట్లేదు. వాటిని హ్యాక్ చేసేస్తున్నారు. హ్యాక్ అవుతున్నట్టు వాటిని వాడే యూజర్లకూ తెలియకుండా పనికానిచ్చేస్తున్నారు” అని కుర్త్ అనే సైబర్ సెక్యూరిటీ నిపుణుడు చెప్పారు. అయితే, బ్లూటూత్ హ్యాక్ కాకుండా చేసేందుకు యూజర్ల వద్దే మంచి అస్త్రం ఉందన్నారు. ఉదాహరణకు ఐఫోన్, ఐప్యాడ్లలో సెట్టింగ్స్లోకి వెళ్లి బ్లూటూత్పై క్లిక్ చేస్తే అక్కడ కనెక్ట్ అయి ఉన్న తెలియని డివైస్ల వివరాలు కనిపిస్తాయని, ఆ డివైస్లు కనెక్ట్ కాకుండా వాటిని డిసేబుల్ చేసుకోవచ్చని సూచించారు. లేదా టర్న్ ఆఫ్ అయినా చేయాలన్నారు.
