- డ్రైవర్ మృతి
సికింద్రాబాద్, వెలుగు: సికింద్రాబాద్రైల్వేస్టేషన్‌‌‌‌‌‌‌‌లో ప్రయాణికుల సామగ్రి తరలించే బ్యాటరీ ట్రాలీ ప్రమాదవశాత్తు పట్టాలపై బోల్తా పడడంతో డ్రైవర్చనిపోయాడు. సికింద్రాబాద్ రైల్వే స్టేషన్లో ప్రయాణికుల లగేజీ తరలించేందుకు కొన్ని బ్యాటరీ ట్రాలీలు ఏర్పాటు చేశారు. ఈ ట్రాలీలు ఒక ప్లాట్ఫాం నుంచి మరో ప్లాట్‌‌‌‌‌‌‌‌ఫాంకు లగేజీని తరలిస్తుంటాయి.
ఆదివారం తెల్లవారుజామున ఓ బ్యాటరీ ట్రాలీలో లగేజీని తెచ్చేందుకు డ్రైవర్ రాములు(54) ప్లాట్ఫాం ఏడు నంబర్ నుంచి వెళ్తుండగా అదుపు తప్పి ట్రాలీ రైల్వేట్రాక్పై బోల్తా పడింది. రాములు ట్రాలీ కింద ఇరుక్కుపోగా ప్రయాణికులు వెంటనే ట్రాలీని లేపి రాములను బయటకు తీశారు. అంబులెన్స్‌‌‌‌‌‌‌‌లో గాంధీ దవాఖానకు తరలించగా.. అప్పటికే రాములు చనిపోయాడని డాక్టర్లు నిర్ధారించారు. జీఆర్‌‌‌‌‌‌‌‌‌‌‌‌‌‌‌‌పీ పోలీసులు కేసు నమోదుచేసుకుని దర్యాప్తు చేస్తున్నారు.
