- అక్రమంగా ఉండే వారిని
- ఖాళీ చేయిస్తున్న అధికారులు
- పెట్రోల్ తాగి ఆత్మహత్యాయత్నం చేసిన మహిళ
పాలకుర్తి, వెలుగు : డబుల్ బెడ్ రూమ్ ఇండ్లలో అక్రమంగా ఉండే వారికి, ఖాళీ చేయించేందుకు వెళ్లిన అధికారులకు మధ్య జరిగిన లొల్లి తీవ్ర ఉద్రిక్తతకు దారితీసింది. దీంతో ఓ మహిళ పెట్రోల్ తాగి ఆత్మహత్యాయత్నం చేసిన ఘటన బుధవారం జనగామ జిల్లాలో జరిగింది. వివరాల్లోకి వెళితే.. పాలకుర్తి మండలం తొర్రూరులో గత సర్కార్ 20 డబుల్ బెడ్ రూమ్ ఇండ్లను నిర్మించినా లబ్ధిదారులు ఇవ్వలేదు.
ప్రభుత్వం మారడంతో గ్రామానికి చెందిన కొందరు వాటిలో అక్రమంగా ఉంటున్నారు. అధికారులు ఖాళీ చేయాలని కోరినా పట్టించుకోవడంలేదు. బుధవారం తహసీల్దార్ శ్రీనివాస్, రెవెన్యూ సిబ్బంది పోలీసులతో కలిసి వెళ్లి ఖాళీ చేయిస్తుండగా ఆఫీసర్లతో వాగ్వాదం జరిగింది. దీంతో గడ్డం భూలక్ష్మి అనే మహిళ పెట్రోల్తాగి ఆత్మహత్యాయత్నం చేయడంతో జనగామ ఏరియా హాస్పిటల్కి తీసుకెళ్లారు. డబుల్ ఇండ్లకు ఇంకా లబ్ధిదారులను ఎంపిక చేయలేదని, కొంతమంది కావాలనే ఆక్రమించుకుని ఉంటున్నారని ఆర్డీవో డీఎస్వెంకన్న తెలిపారు.
