![డ్రగ్స్ అమ్ముతూ ఇద్దరు అరెస్ట్](https://static.v6velugu.com/uploads/2024/07/two-arrested-for-selling-drugs_BgKDGeTjNq.jpg)
పంజాగుట్ట,వెలుగు: బెంగళూరు నుంచి డ్రగ్స్తెచ్చి సిటీలో అమ్ముతుండగా ఇద్దరిని పోలీసులు అరెస్ట్చేశారు. నిందితుల వద్ద 16 గ్రాముల ఎండీఎంఏ, సెల్ఫోన్స్వాధీనం చేసుకుని సీజ్ చేశారు. ఎస్ఆర్ నగర్ పీఎస్ లో బుధవారం మీడియా సమావేశంలో ఏసీపీ పి.వెంకట రమణ, నార్కోటిక్స్ డీఎస్పీ శ్రీధర్ వివరాలు వెల్లడించారు. మల్కాజ్గిరికి చెందిన మాథ్యూస్సంజయ్(23) కుక్కలను పెంచుతూ అమ్ముతుంటాడు.
కొంతకాలంగా మాథ్యూస్బెంగళూరు నుంచి డ్రగ్స్తీసుకొచ్చి అమ్ముతున్నాడు. సమాచారం అందడంతో రాష్ట్ర యాంటీ నార్కోటిక్స్బ్యూరో , సంజీవరెడ్డినగర్ పోలీసుల దాడులు చేశారు. మాథ్యూస్ తో పాటు కొనుగోలుదారుడిని అరెస్ట్ చేశారు. మాథ్యూస్ను విచారించగా బెంగళూరుకు చెందిన అసదుల్లా వద్ద డ్రగ్ కొనుగోలు చేస్తున్నట్టు తెలిపాడు. ఇప్పటికే మాథ్యూస్ 9మందికి డ్రగ్అమ్మినట్టు చెప్పడంతో వారిని అదుపులోకి తీసుకుంటామని ఏసీపీ తెలిపారు. ఈ సమావేశంలో ఇన్స్పెక్టర్ శ్రీనాథ్రెడ్డి, డీఐ జానకి రాములు, ఎస్ఐ రాజు రాథోడ్ పాల్గొన్నారు.