శంషాబాద్, వెలుగు: ఎండీఎంఏ డ్రగ్స్ తో ఇద్దరు వ్యక్తులు పట్టుబడ్డారు. మైలర్ దేవ్ పల్లి పోలీసులు తెలిపిన ప్రకారం.. శాస్త్రీపురం ఎమ్మెస్ ఫంక్షన్ హాల్ సమీపంలో ఇద్దరు వ్యక్తుల వద్ద డ్రగ్స్ ఉందనే సమాచారంలో పోలీసులు వెళ్లి అదుపులోకి తీసుకుని అబ్దుల్ సోహిల్ ఖాన్ (25), సయ్యద్ నవాజ్ (19)గా గుర్తించారు.
అబ్దుల్ సోహిల్ కొద్ది రోజులుగా హాష్ ఆయిల్ అమ్ముతున్నాడు. వైజాగ్ కి చెందిన వెంకట్ వద్ద తక్కువ ధరకు కొనుగోలు చేసి తెచ్చి ముంబై క్రాఫోర్డ్ మార్కెట్లోని ఓవైసీస్, అక్తర్ లకు ఎక్కువ ధరకు అమ్ముతున్నాడు. మరో నిందితుడు నవాజ్ కూడా కొంతకాలంగా అతనికి సాయంగా ఉంటున్నాడు. ఇద్దరిని అదుపులోకి తీసుకుని వారి వద్ద 4.7 గ్రాముల ఎండీఎంఏ డ్రగ్స్, 44 వేల డబ్బు, 3 సెల్ ఫోన్లు స్వాధీనం చేసుకుని నిందితులను కోర్టులో హాజరు పరిచి అనంతరం రిమాండ్ కు తరలించారు.
