- మావోయిస్టులపై పోరుకు దూకుడు పెంచిన కేంద్రం
భద్రాచలం,వెలుగు : చత్తీస్గఢ్ దండకారణ్యంలో మావోయిస్టులపై పోరు కొనసాగించేందుకు కేంద్ర హోంశాఖ దూకుడు పెంచింది. సుక్మా, బీజాపూర్జిల్లాల బార్డర్లోని మావోయిస్టు కేంద్ర కమిటీ సభ్యుడు స్వగ్రామం సుక్మా జిల్లా పువ్వర్తిలో ఇప్పటికే ఒక బేస్ క్యాంపును ఏర్పాటు చేసిన విషయం తెలిసిందే. అక్కడి నుంచి ఇంకా మారుమూల దండకారణ్యంలోని కొండపల్లి, తుమ్మలపాడు గ్రామాల్లో కూడా మరో రెండు బేస్ క్యాంపులను ఏర్పాటు చేసేందుకు సుక్మా, బీజాపూర్జిల్లాల పోలీసులు, సీఆర్పీఎఫ్జవాన్లు సిద్ధమయ్యారు. ఇప్పటికే బలగాలను అక్కడకు తరలించారు.
2026 నాటికి దేశంలో మావోయిస్టు పార్టీపై పూర్తి పట్టు సాధిస్తామన్న కేంద్ర హోంశాఖ మంత్రి అమిత్షా వ్యాఖ్యలకు అనుగుణంగా కేంద్ర బలగాలు పావులు కదుపుతున్నాయి. ఈ క్యాంపుల ఏర్పాటుపై మావోయిస్టులు ఎలా స్పందిస్తారో ? అనే ఉత్కంఠ నెలకొంది. మావోయిస్టుల కోటను దాదాపుగా భద్రతాబలగాలు తమ ఆధీనంలోకి తీసుకున్నట్లేనని పోలీసువర్గాలు పేర్కొంటున్నాయి.
