భద్రాద్రికొత్తగూడెం, వెలుగు: ఇండ్ల స్థలాల లబ్ధిదారుల ఫైనల్లిస్టులో తమ పేర్లు తొలగించారని ఆరోపిస్తూ కొత్తగూడెం జిల్లా కేంద్రంలో ఇద్దరు సెల్ టవర్ఎక్కారు. చుంచుపల్లి మండలంలోని మాయాబజార్, వనమానగర్, ఎస్ఆర్టీ నగర్ త్వరలో సింగరేణి వీకే-–7 ఓసీలో కలవనున్నాయి. ఈ మూడు ప్రాంతాల్లోని నిర్వాసితులకు సింగరేణి హెడ్డాఫీస్సమీపంలో ఇండ్ల స్థలాలు ఇచ్చేందుకు ప్రభుత్వం నిర్ణయించింది. ఆదివారం పంచాయతీ ఆఫీసు వద్ద లబ్ధిదారుల పేర్లు ప్రకటించగా, మాయాబజార్ ప్రాంతానికి చెందిన బన్ను, శివ అనే ఇద్దరు తమ పేర్లు లేవని మనస్తాపం చెందారు.
సోమవారం ఉదయం రుద్రంపూర్లో సెల్ టవర్ఎక్కి నిరసనకు దిగారు. తమకు న్యాయం జరిగేంత వరకు పై నుంచి దిగమని భీష్మించారు. విషయం తెలుసుకున్న మాజీ ఎంపీ, కాంగ్రెస్లీడర్పొంగులేటి శ్రీనివాస్రెడ్డి అక్కడికి చేరుకున్నారు. బాధితులతో ఫోన్లో మాట్లాడి సర్దిచెప్పారు. అర్హుల పేర్లు తొలగించడం అన్యాయమంటూ ఆర్డీఓతో మాట్లాడారు. అర్హులందరికీ స్థలాలు ఇవ్వకుంటే పంపిణీని అడ్డుకుంటామని హెచ్చరించారు. బీఎస్పీ స్టేట్ జనరల్సెక్రెటరీ యెర్రా కామేశ్బాధితులతో మాట్లాడారు. బీఆర్ఎస్, టీబీజీకేఎస్నేతల ఒత్తిడితో అనర్హులను చేర్చి, నిర్వాసితులను ఎలా తొలగిస్తారని ప్రశ్నించారు. చివరికి పొంగులేటి హామీతో నిరసనకారులు టవర్దిగారు. అయితే సోమవారం రాత్రి ఎస్ఆర్టీ నగర్ కు చెందిన రవితేజ అనే వ్యక్తి టవర్ఎక్కి హల్చల్ చేశాడు. స్థానికులే అతన్ని కిందికి దింపారు.
