నిజామాబాద్, వెలుగు : గ్యాంగ్గా ఏర్పడి దొంగతనాలు, హత్యలు ఇతర నేరాలకు పాల్పడుతున్న ఇద్దరు నేరగాళ్లను శుక్రవారం పోలీసులు పట్టుకున్నారు. నాటు పిస్టల్తో నాందేడ్ నుంచి రైల్లో నిజామాబాద్ వచ్చిన నోటెడ్ క్రిమినల్ను పట్టుకున్న పోలీసులు వేగంగా దర్యాప్తు చేపట్టి గంటల వ్యవధిలో మరొకడిని అరెస్టు చేసి జైలుకు తరలించారు. ఇన్చార్జి సీపీ సింధూశర్మ తెలిపిన వివరాల ప్రకారం 1వటౌన్ఎస్ఐ మొగులయ్య గురువారం రాత్రి నగరంలోని రైల్వే స్టేషన్ దగ్గర వెహికల్స్చెక్ చేస్తున్నాడు.
ఆ సమయంలో నాందేడ్ ట్రైన్దిగిన శ్రీహరి దేవీదాస్శర్మ అలియాస్హర్యా అనే యువకుడు పోలీసులను చూసి పారిపోయేందుకు ప్రయత్నించాడు. వెంబడించి పట్టుకోగా అతడి వద్ద పిస్టల్, బుల్లెట్ దొరికాయి. విచారణ చేయగా నగరానికి చెందిన రౌడీ షీటర్ ఆమెర్అలీ ఖాన్ అలియాస్ బర్సాత్ఆమెర్తో కలిసి మొత్తం ఏడు నేరాలు చేసినట్లు తేలింది. వీటిలో మూడు చైన్ స్నాచింగ్ కేసులు ఉన్నాయి. వెపన్ఉంటే భయపెట్టి మరిన్ని నేరాలు చేయొచ్చనే ప్లాన్తో నాందేడ్ నుంచి రూ.30 వేలకు దేశీయ పిస్టల్ కొని నిజామాబాద్ చేరి పట్టుబడ్డాడు.
పరారీలో ఉన్న రౌడీ షీటర్అరెస్టు
ఏకే302 పేరుతో గ్యాంగ్ నడిపి గతంలో పీడీ యాక్టుకింద జైలుకు వెళ్లిన రౌడీషీటర్ ఆమెర్అలీ ఖాన్అలియాస్ బర్సాత్ ఆమెర్ను శుక్రవారం సిటీలోని ఖిల్లా చౌరస్తాలో పట్టుకున్నారు. అతని వద్ద కత్తి, రెండు మొబైల్ ఫోన్లు, పల్సర్ బైక్ను స్వాధీనం చేసుకున్నారు. ఇతడిపై మర్డర్, హత్యాయత్నం, కిడ్నాప్ కేసులు 12, ప్రాపర్టీ నేరాలు మూడు మొత్తం 15 కేసులు ఉన్నాయి. 2020 నుంచి నేరాలకు పాల్పడుతున్నాడు. కొన్ని కేసులకు సంబంధించిన అతన్ని విచారించాల్సి ఉండగా పరారీలో ఉన్నాడు. అతన్ని అరెస్టు చేసి రిమాండ్కు తరలించారు.
మడిగె ఇప్పిస్తానని..
నిజామాబాద్, వెలుగు : హైదరాబాద్లో నిర్మిస్తున్న కమర్షియల్ కాంప్లెక్స్లో మడిగె ఇప్పిస్తానని రూ.25 లక్షలు తీసుకొని ఇందూర్ సిటీకి చెందిన ఓ మహిళను అహ్మద్ ఖాన్ మోసం చేశాడు. బౌన్సర్లను వెంటబెట్టుకొని ఖరీదైన కార్లలో తిరిగుతూ రాయల్టీ మెయిటైన్ చేసిన మోసగాడ్ని నమ్మి ఆమె మోసపోయింది. ఈ సంగతి గ్రహించిన మహిళ నాలుగో టౌన్లో ఫిర్యాదు చేయగా అహ్మద్ఖాన్ ను అరెస్ట్ చేశారు.
