తొర్రూరు/సిద్దిపేట టౌన్, వెలుగు: డెంగ్యూతో వేర్వేరుచోట్ల ఇద్దరు వ్యక్తులు మృతిచెందారు. కుటుంబ సభ్యులు తెలిపిన వివరాల ప్రకారం.. మహబూబాబాద్ జిల్లా తొర్రూరు పట్టణ కేంద్రంలోని బీరప్ప నగర్ కు చెందిన బేతమల్ల -లక్ష్మీకాంత, రమేశ్ దంపతుల కుమారుడు బేతమల్ల ప్రేమ్ కుమార్(22) వరంగల్ వాగ్దేవి కాలేజీలో బీటెక్ ఫైనల్ఇయర్చదువుతున్నాడు. కాగా హైదరాబాద్కు వ్యక్తిగత పనిపై వెళ్లిన ప్రేమ్ కుమార్నాలుగు రోజుల కింద జ్వరంతో బాధపడుతూ ఇంటికి వచ్చాడు. తొర్రూరులోని ఓ ప్రైవేట్ హాస్పిటల్ లో ట్రీట్మెంట్ తీసుకోగా డెంగ్యూ అని నిర్ధారణ అయింది. జ్వరంతోపాటు పాటు ఫిట్స్ రావడంతో గురువారం ఖమ్మంలోని ఓ ప్రైవేట్ ఆస్పత్రిలో అడ్మిట్అయ్యాడు. చికిత్స పొందుతూ శనివారం తెల్లవారుజామున ప్రేమ్కుమార్చనిపోయాడు.
సిద్దిపేటలో..
సిద్దిపేట జిల్లా చిన్నకోడూరు మండలం అల్లీపూర్ గ్రామానికి చెందిన రజిని, రాజు దంపతులు కుమారుడు అయాన్ష్ (5)తో కలిసి సిద్దిపేటలోని మైత్రివనంలో నివసిస్తున్నారు. ఈనెల 19న అయాన్ష్ కు జ్వరం రావడంతో సిద్దిపేట పట్టణంలోని ఓ ప్రైవేట్ చిల్డ్రన్హాస్పిటల్ కు పేరెంట్స్ తీసుకెళ్లారు. జ్వరం తీవ్రం కావడంతో 22న అదే హాస్పిటల్ లో నిర్వహించిన పరీక్షల్లో డెంగ్యూ అని నిర్ధారణ కావడంతో అడ్మిట్అయ్యారు. 23న ఓ ఇంజక్షన్ ఇచ్చిన అరగంట తర్వాత బాలుడికి ఫిట్స్ వచ్చాయి. దాంతో అక్కడి నుంచి వెంటిలేషన్ సౌకర్యం కోసం పట్టణంలోని వేరే హాస్పిటల్ కు అంబులెన్స్ లో తరలించారు. చికిత్స పొందుతూ అయాన్ష్చనిపోయాడు.
హాస్పిటల్ ఎదుట బాలుడి బంధువుల ఆందోళన
వైద్యుల నిర్లక్ష్యంతోనే అయాన్ష్మృతిచెందాడని తల్లిదండ్రులు, బంధువులు హాస్పిటల్ ఎదుట ఆందోళన చేపట్టారు. హాస్పిటల్ లో ఎలాంటి సౌకర్యాలు లేవని, వైద్యం అందించడంలోనూ డాక్టర్లు నిర్లక్ష్యం చేశారని ఆరోపించారు. ఈ విషయమై హాస్పిటల్డాక్టర్ను వివరణ కోరగా బాలుడికి ఎప్పటికప్పుడు సరైన వైద్యం అందించినా పరిస్థితి విషమించి చనిపోయాడని తెలిపారు. వైద్యుల నిర్లక్ష్యం లేదని ఆయన స్పష్టం చేశారు.
