ఎల్బీనగర్, వెలుగు: బైక్పై ఇంటికి వెళ్తున్న ఇద్దరిని లారీ ఢీకొట్టడంతో అక్కడికక్కడే చనిపోయారు. ఈ ఘటన మీర్ పేట పోలీస్స్టేషన్పరిధిలోని నందనవనంలో జరిగింది. స్థానికులు, పోలీసుల వివరాల ప్రకారం.. ఏపీలోని వైజాగ్కు చెందిన మదీనా బాషా(42) పీర్జాదిగూడలో ఉంటున్నాడు. తెలంగాణ ఆర్టీసీలో అసిస్టెంట్ మెకానికల్ ఇంజనీర్ గా పనిచేస్తున్నాడు.
అలాగే అన్నోజు శ్రావణ్ కుమార్(40) టీకేఆర్ కాలేజీలో సెక్యూరిటీ గార్డు. సోమవారం ఉదయం నైట్డ్యూటీ ముగించుకుని తన బైక్ పై ఇంటికి బయలుదేరిన శ్రావణ్ కుమార్ ను మదీనా బాషా లిఫ్ట్ అడిగాడు. అతన్ని ఎక్కించుకుని వెళ్తుండగా నందనవనం వద్ద లారీ ఢీకొట్టింది. బాషా, శ్రావణ్ కుమార్ ను తొక్కించుకుంటూ వెళ్లింది. ఇద్దరూ అక్కడికక్కడే చనిపోయారు.
