సిద్ధిపేట జిల్లాలో ఘోరం జరిగింది.. పొట్టకూటి కోసం ఉపాధి హామీ పనికి వెళ్లిన కూలీలు.. పని చేస్తుండగానే మృతి చెందారు. జిల్లాలోని అక్కన్నపేట మండలం గోవర్ధనగిరి గ్రామంలో చోటు చేసుకుంది ఈ ఘటన. బండరాళ్లు పడి ఇద్దరు మృతి చెందగా.. 5 మందికి గాయాలైనట్లు తెలుస్తోంది. గురువారం ( జనవరి 30, 2025 ) ఉపాధి హామీ చేస్తుండగా బండరాళ్లు పడి ఇద్దరు కూలీలు మృతి చెందగా.. 5 మందికి గాయాలయ్యాయి.
క్షతగాత్రులను ఆసుపత్రికి తరలించి చికిత్స అందిస్తున్నారు. బాధితులంతా ఒకే గ్రామానికి చెందినవారు కావడంతో గ్రామంలో విషాద ఛాయలు అలుముకున్నాయి.మృతదేహాలను పోస్ట్ మార్టం నిమిత్తం సమీపంలోని ప్రభుత్వ ఆసుపత్రికి తరలించారు.ఘటనకు సంబంధించి పూర్తి వివరాలు తెలియాల్సి ఉంది.
