ములుగు జిల్లా వాజేడు మండలం గుమ్మడిదొడ్డి దగ్గర ఘోర రోడ్డు ప్రమాదం జరిగింది. జాతీయ రహదారి 163 పై ఎదురెదురుగా అతివేగంతో వస్తున్న రెండు లారీలు ఢీ కొన్నాయి. ఈ ఘటనలో క్యాబిన్ లో ఇరుక్కున్న ఇద్దరు డ్రైవర్లకు తీవ్ర గాయాలు. స్థానికులు వాళ్లను బయటకు తీసి ఆస్పత్రికి తరలించారు.
ఈ ప్రమాదంలో రెండు లారీలు నుజ్జనుజ్జ అయ్యాయి. ప్రమాదంతో రోడ్డుపై కాసేపు భారీగా ట్రాఫిక్ జామ్ అయ్యింది. ఘటనా స్థలానికి వచ్చిన పోలీసులు ట్రాఫిక్ ను క్లియర్ చేశారు. కేసు నమోదు చేసి దర్యాప్తు చేస్తున్నారు.
