కరీంనగర్లో దారుణ ఘటన జరిగింది. అశోక్ నగర్ ప్రభుత్వ పాఠశాల భవనంపై ఓ ఇద్దరు స్నేహితులు కలిసి మద్యం తాగారు. బాగా కిక్ వచ్చిందేమో తెలియదు కాని.. మద్యం మత్తులో ముజ్జు, సోఫియాన్ అనే వ్యక్తులు మధ్య గొడవ జరిగింది. వాదనతో మొదలైన వీరి ఘర్షణ తీవ్రరూపం దాల్చింది. దీంతో వక్తిగత కక్షలతో మాటామాటా పెరిగి ముజ్జు అనే వ్యక్తిపై సోఫియాన్ కత్తితో దాడి చేశాడు. దీంతో మజ్జు అక్కడికక్కడే మృతి చెందాడు.
మద్యం మత్తులో మజ్జు అనే వ్యక్తిని హతమార్చిన సోఫియాన్.. స్థానిక పోలీసుల ఎదుట లొంగిపోయాడు. తరువాత ఘటన స్థలానికి చేరుకున్న పోలీసులు మృతదేహాన్ని పోస్ట్ మార్టం కోసంపరిక్షలకు ప్రభుత్వ ఆస్పత్రికి తరలించారు. కేసు నమోదు చేసుకున్న వన్ టౌన్ పోలీసులు దర్యాప్తు చేస్తున్నారు.
