శంషాబాద్/ఇబ్రహీంపట్నం: భోగి పండుగనాడు సిటీలోని వేర్వేరు చోట్ల కరెంట్షాక్తో ఇద్దరు చనిపోయారు. కర్నాటకు చెందిన మీర్జా అసద్ డీసీఎం డ్రైవర్. సోమవారం తన డీసీఎం వెహికల్లో ఇత్తడి వేస్టేజ్ లోడును తీసుకొని కాటేదాన్ ఇండస్ట్రియల్ఏరియాకు వచ్చాడు. డీసీఎంను కంపెనీ బయట పార్క్ చేస్తుండగా, పక్కనే ట్రాన్స్ఫార్మర్కు తాకింది. ఈ ప్రమాదంలో మీర్జా అసద్అక్కడికక్కడే మృతి చెందాడు. ట్రాన్స్ఫార్మర్ నుంచి మంటలు చెలరేగడంతో ఫైర్ సిబ్బంది ఘటనా స్థలానికి చేరుకొని ఆర్పివేశారు.
ఆరుట్లలో రైతు..
అడవి పందులు రాకుండా ఏర్పాటు చేసిన కరెంట్తీగలు తగిలి ఆరుట్లలో ఓ రైతు మృతి చెందాడు. మంచాల మండలం ఆరుట్లకు చెందిన పొలమోని సత్తయ్య(70) తన వ్యవసాయ భూమిలో కూరగాయలు పండిస్తున్నాడు. రాత్రి వేళల్లో అడవి పందులు రాకుండా కరెంట్తీగలు అమర్చాడు. శనివారం రాత్రి 12 గంటల సమయంలో పొలం వద్దకు వెళ్లిన సత్తయ్య తిరిగి రాలేదు. ఆదివారం ఉదయం అటుగా వెళ్లిన పక్క పొలం రైతు.. కరెంట్ తీగల వద్ద సత్తయ్య పడిపోయి ఉండడాన్ని గమనించాడు. పరిశీలించగా అప్పటికే చనిపోయినట్లు గుర్తించాడు. వెంటనే కుటుంబ సభ్యులకు సమాచారం ఇచ్చాడు. ఈ మేరకు పోలీసులకు ఫిర్యాదు చేశారు. కేసు నమోదు చేసినట్లు మంచాల సీఐ మధు తెలిపారు.
