కోల్బెల్ట్, వెలుగు : మంచిర్యాల జిల్లా మందమర్రి మండలం క్యాతనపల్లి రైల్వే గేట్వద్ద బుధవారం జరిగిన రైలు ప్రమాదంలో ఇద్దరు అక్కడికక్కడే చనిపోయారు. రామకృష్ణాపూర్సూభాష్నగర్కు చెందిన ప్రైవేట్ ఎలక్ట్రీషియన్ భూక్యా సురేశ్(30), పెయింటర్కుంబాల చందు(40) రాత్రి 7.30 గంటలకు బైక్పై మంచిర్యాల నుంచి రామకృష్ణాపూర్ సుభాష్నగర్లోని ఇంటికి వెళ్తున్నారు. క్యాతనపల్లి రైల్వే గేట్ పడడంతో కొద్దిసేపు నిరీక్షించారు.
రైలు రాక ఆలస్యమవుతుండడంతో బైక్ను గేట్కింది నుంచి తీసుకొని దాటుతుండగా బెల్లంపల్లి నుంచి మంచిర్యాల వైపు వెళ్తున్న కేరళ ఎక్స్ప్రెస్ ఢీకొట్టింది. దీంతో వారు స్పాట్ లోనే మృతి చెందారు. గేట్వద్ద సురేశ్బాడీ రెండు ముక్కలు కాగా చందు బాడీ రైలు ఇంజిన్లో చిక్కుకొని సుమారు 5 కిలోమీటర్ల దూరంలోని మంచిర్యాల రైల్వే స్టేషన్వరకు వెళ్లింది. మంచిర్యాల రైల్వే పోలీసులు ఘటనా స్థలానికి చేరుకొని దర్యాప్తు చేస్తున్నారు.
కాంగ్రెస్ నేతల ఆందోళన
సురేశ్, చందు ఇద్దరూ రైలు ఢీకొని చనిపోయారని తెలుసుకున్న క్యాతన్ పల్లికి చెందిన కాంగ్రెస్ నాయకులు, స్థానికులు ఘటనాస్థలానికి చేరుకున్నారు. కాంగ్రెస్ యువనేత, చెన్నూరు కాంగ్రెస్ అభ్యర్థి వివేక్వెంకటస్వామి కుమారుడు గడ్డం వంశీకృష్ణ సైతం ఘటనా స్థలికి వెళ్లి పరిశీలించారు. క్యాతనపల్లి రైల్వే ఫ్లై ఓవర్ నిర్మాణం పూర్తి చేయకపోవడం వల్లే ప్రమాదం జరిగిందని ఈ సందర్భంగా కాంగ్రెస్ లీడర్లు ఆందోళన చేశారు.
2014లో అప్పటి పెద్దపల్లి ఎంపీ వివేక్ వెంకటస్వామి రైల్వే ఓవర్ బ్రిడ్జికి రూ.32 కోట్లు శాంక్షన్ చేయించారన్నారు. తొమ్మిదేండ్లుగా ఫ్లైఓవర్ నిర్మాణాన్ని కేసీఆర్ ప్రభుత్వం పట్టించుకోలేదని, త్వరగా పూర్తి చేయాలని బీఆర్ఎస్ఎమ్మెల్యే అభ్యర్థి బాల్క సుమన్కు ఎన్నోసార్లు మొరపెట్టుకున్నా పట్టించుకోలేదన్నారు. సుమన్నిర్లక్ష్యం వల్లే రెండు నిండు ప్రాణాలు గాలిలో కలిశాయని, దీనికి ఎమ్మెల్యే బాధ్యత వహిస్తారా? అని ప్రశ్నించారు. బాధిత కుటుంబాలకు రూ. కోటి చొప్పున నష్టపరిహారం ఇవ్వాలని, ఇద్దరి ఇండ్లల్లో ఒక్కొక్కరికి ప్రభుత్వ ఉద్యోగం ఇవ్వాలని డిమాండ్ చేశారు. ఈ క్రమంలో పోలీసులకు, కాంగ్రెస్ లీడర్లకు మధ్య వాగ్వాదం జరిగింది.
