- నలుగురు జవాన్లకు తీవ్ర గాయాలు
- ఛత్తీస్గఢ్లోని బీజాపూర్ జిల్లాలో ఘటన
భద్రాచలం, వెలుగు : ఛత్తీస్గఢ్ రాష్ట్రంలోని బీజాపూర్జిల్లాలో గురువారం మావోయిస్టులు అమర్చిన మందుపాతర పేలి ఇద్దరు జవాన్లు చనిపోగా, మరో నలుగురు జవాన్లు తీవ్రంగా గాయపడ్డారు. గాయపడ్డ వారిని హెలీక్యాప్టర్లో రాయ్పూర్దవాఖానకు తరలించారు. బీజాపూర్, సుక్మా, దంతెవాడ జిల్లాల బార్డర్లో మావోయిస్టు పార్టీకి చెందిన దర్బా డివిజన్ కమిటీ, మిలటరీ కంపెనీ-–2 దళాలు సంచరిస్తున్నాయనే పక్కా సమాచారంతో సీఏఎఫ్, డీఆర్జీ, ఎస్టీఎఫ్, సీఆర్పీఎఫ్ జవాన్లను ఈనెల 16న కూంబింగ్కోసం పంపించారు.
కూంబింగ్తర్వాత తిరిగి వస్తుండగా గురువారం తెల్లవారుజామున బీజాపూర్జిల్లా తెర్రం పీఎస్పరిధిలోని మండిమర్కా గ్రామ అడవుల్లో మావోయిస్టులు అంతకుముందే అమర్చిన మందుపాతర పేల్చారు. దీంతో ఎస్టీఎఫ్కు చెందిన భరత్లాల్సాహూ, సతేర్సింగ్అనే జవాన్లు అక్కడికక్కడే మరణించారు. పురుషోత్తం నాగ్, కోమల్యాదవ, సియారాం సోరీ, సంజయ్కుమార్తీవ్రంగా గాయపడ్డారు.
అప్రమత్తమైన మిగిలిన జవాన్లు ప్రతిఘటించగా మావోయిస్టులు పారిపోయారు. మృతి చెందిన సతేర్సింగ్ది నారాయణ్పూర్జిల్లా బంహనా గ్రామం కాగా, భరత్లాల్సాహూది రాయ్పూర్జిల్లాలక్ష్మీనగర్మోవా గ్రామం.
గడ్చిరోలీలో మావోయిస్టుల మృతదేహాల గుర్తింపు
మహారాష్ట్రలోని గడ్చిరోలీ జిల్లా ఝరావండీ పీఎస్పరిధిలోని వాందోళీ అటవీ ప్రాంతంలో సీ-60 బలగాల ఆపరేషన్గురువారం కంప్లీట్అయ్యింది. ఈ ఎన్కౌంటర్లో మొత్తం 12 మంది మావోయిస్టులు మరణించగా ఇందులో ఏడుగురు పురుషులు, ఐదుగురు మహిళలు ఉన్నారు. వీరందరినీ గుర్తించారు. చట్గావ్-కాసనూర్జాయింట్ ఎల్ఓఎస్కమాండర్యోగేశ్దేవ్సింగ్అలియాస్నరేంద్ర(36), కోర్చీ-తిప్పాగఢ్ ఎల్ఓఎస్ కమాండర్ఆత్రం లక్ష్మణ్(43), తిప్పాగఢ్డివిజన్కమిటీ మెంబర్ప్రమోద్లాల్సే(31), కాసనూర్డిప్యూటీ కమాండర్మహరు ధోబీ గాడ్వే(31)
కోర్చీ డిప్యూటీ కమాండర్అనిల్దేవ్సే అలియాస్దేవా(28), కాసనూర్ఏరియా కమిటీ మెంబర్విజ్జు, ఛట్గావ్ఏరియా కమిటీ మెంబర్సరితా జారా పర్సా(37), కాసనూర్ఏరియా కమిటీ మెంబర్రాజో మంగల్సింగ్గాడ్వే(35), ఛట్గావ్దళ మెంబర్రోజా, కాసనూర్దళ మెంబర్సాగర్, తిప్పాగఢ్దళ మెంబర్ పోడియం చంద్రా, కోర్చీ పార్టీ మెంబర్సీతాహవ్కేలుగా గుర్తించారు. వీరందరిపై మహారాష్ట్ర ప్రభుత్వం రూ.84లక్షల రివార్డును ప్రకటించింది.
సంఘటనా స్థలం నుంచి 7 ఆటోమెటిక్ వెపన్స్, 3 ఏకే-47లు, 2 ఇన్సాస్లు, ఒక కార్బైన్, ఒక ఎస్ఎల్ఆర్, విప్లవసాహిత్యం, డిటోనేటర్లు, పేలుడు పదార్థాలు స్వాధీనం చేసుకున్నారు. నార్త్ గడ్చిరోలీలో మావోయిస్టు పార్టీకి ఇది గట్టి ఎదురుదెబ్బ అని, దళమే తుడిచి పెట్టుకుపోయిందని పోలీసులు ప్రకటించారు. గడ్చిరోలీ డిప్యూటీ ఎస్పీ విశాల్నాగర్గోజే ఆధ్వర్యంలో జరిగిన ఈ ఆపరేషన్ సక్సెస్ అయినట్లు తెలిపారు.
ఎన్కౌంటర్లో మహిళా మావోయిస్టు మృతి
దంతెవాడ జిల్లా కిరండోల్పీఎస్పరిధిలోని పురంగేల్-ఈర్లగూడెం గ్రామ అడవుల్లో గురువారం జరిగిన ఎన్కౌంటర్లో ఒక మహిళా మావోయిస్టు మరణించింది. బస్తర్ఫైటర్స్, డీఆర్జీ బలగాలు కూంబింగ్ చేస్తున్న టైంలో మావోయిస్టులు అంబుష్ చేసి దాడికి పాల్పడ్డారు. తేరుకున్న బలగాలు వెంటనే కాల్పులు జరపడంతో మావోయిస్టులు పారిపోయారు. ఘటనాస్థలంలో వెతకగా మహిళా మావోయిస్టు మృతదేహంతో పాటు ఆయుధాలు, మావోయిస్టుల సామగ్రి లభ్యమయ్యాయి. కాల్పుల్లో పలువురు మావోయిస్టులు గాయపడ్డారని బలగాలు చెబుతున్నాయి.
