- ఒకరు మృతి
- మరో ఇద్దరికి తీవ్ర గాయాలు
- స్వల్ప గాయాలతో బయటపడ్డ పిల్లలు
కమలాపూర్, వెలుగు : హనుమకొండ జిల్లా కమలాపూర్లో స్కూల్ వ్యాన్ను కారు ఢీకొట్టడంతో ఇద్దరు విద్యార్థులు గాయపడ్డారు. కారులోని ఇద్దరి పరిస్థితి విషమంగా ఉంది. హసన్పర్తి మండలం పెంబర్తి శివారులోని ఏకశిలా స్కూల్ కు చెందిన వ్యాన్ గురువారం సాయంత్రం 30 మంది పిల్లలను వారి ఇండ్లల్లో దించేందుకు బయలుదేరింది. పరకాల–హుజూరాబాద్ మెయిన్ రోడ్డుపై ఉమామహేశ్వరి ఫంక్షన్ హాల్ ఎదురుగా యూటర్న్ తీసుకుంటుండగా..హుజూరాబాద్ మున్సిపాలిటీ పరిధిలోని బోర్నపల్లికి చెందిన కారు 160 కిలోమీటర్ల వేగంతో వచ్చి ఢీకొట్టింది.
ఈ ఘటనలో స్కూల్ బస్సు బోల్తా పడగా, కారు నుజ్జునుజ్జయింది. వ్యాన్లో ఉన్న ముగ్గురు పిల్లలు స్వల్పంగా గాయపడగా..కారులోని ఎండీ అబ్దుల్, భవానంద స్వామి, సంతోష్లకు తీవ్ర గాయాలయ్యాయి. వీరిని ఎంజీఎంకు తరలిస్తుండగా అబ్దుల్చనిపోయాడు. భవానంద స్వామి, సంతోష్ చికిత్స పొందుతున్నారు.
