నేరడిగొండ, వెలుగు : ఆవులు, లేగ దూడలను అక్రమంగా తరలిస్తే కఠిన చర్యలు తప్పవని నేరడిగొండ ఎస్ఐ శ్రీకాంత్ హెచ్చరించారు. మండలంలోని రోల్ మామడ టోల్ ప్లాజా వద్ద గురువారం ఆయన వాహనాల తనిఖీలు చేపట్టగా మహారాష్ట్ర నుంచి నిజామాబాద్ వైపు అక్రమంగా ఎద్దులను తరలిస్తున్న
రెండు వాహనాలను సీజ్చేశారు. రెండు వాహనాల్లో కుక్కి తరలిస్తున్న 63 ఎద్దులను గుర్తించారు. ఎద్దులను ఇచ్చోడలోని గోశాలకు తరలించామని, వాహనదారులపై కేసు నమోదు చేసినట్లు ఎస్ఐ తెలిపారు.
