- కొడకండ్ల మండలం రతిరాంతండాలో దారుణం
పాలకుర్తి (కొడకండ్ల), వెలుగు : అక్కను స్కూల్‌ బస్సు ఎక్కించేందుకు తల్లితో కలిసి వచ్చిన ఓ రెండేండ్ల బాలుడు బస్సు కిందపడి చనిపోయాడు. ఈ ఘటన జనగామ జిల్లా కొడకండ్ల మండలం చెరువుముందు తండా పరిధిలోని రతిరాంతండాలో గురువారం జరిగింది. స్థానికులు తెలిపిన వివరాల ప్రకారం... రతిరాంతండాకు చెందిన వాంకుడోతు రమేశ్‌, పరమేశ్వరి కుమార్తె శాన్విక దేవరుప్పుల మండల కేంద్రంలోని బాలయేసు ప్రైవేట్‌ స్కూల్‌‌‌‌లో నర్సరీ చదువుతూ స్కూల్‌‌‌‌కు చెందిన బస్సులోనే వస్తూ, పోతూ ఉంటుంది.
గురువారం ఉదయం పరమేశ్వరి తన కుమార్తె శాన్వికను స్కూల్‌ బస్సు ఎక్కించేందుకు కుమారుడు శ్రీహన్‌ (2)తో కలిసి వచ్చింది. శాన్విక బస్సు ఎక్కుతుండగా శ్రీహన్‌ బస్సు ముందుకు వెళ్లాడు. డ్రైవర్‌ బాలుడిని గమనించకుండా బస్సును ముందుకు కదిలించడంతో ముందు టైర్‌ శ్రీహన్‌ పైనుంచి వెళ్లింది. దీంతో బాలుడు అక్కడికక్కడే చనిపోయాడు. బాలుడి తండ్రి రమేశ్‌ ఫిర్యాదుతో కేసు నమోదు చేసినట్లు ఎస్సై చింత రాజు
తెలిపారు.
