మెదక్: బైక్ అదుపు తప్పి కిందపడటంతో ఇద్దరు యువకులు మృతి చెందారు. ఈ ఘటన మెదక్ జిల్లాలోని హవేలి ఘనపూర్ మండలం ఫరీద్ పూర్ సమీపంలో మంగళవారం (నవంబర్ 19) చోటు చేసుకుంది. వివరాల ప్రకారం.. హవేలి ఘనపూర్ మండలంలోని జక్కన్నపేటకు చెందిన జక్కని ప్రభాకర్ (23), మామిండ్ల మహేష్ (25) మంగవారం సాయంత్రం బైక్పై వెళ్తున్నారు.
ఈ క్రమంలో బైక్ అదుపు తప్పి పొలంలోకి దూసుకెళ్లింది. ఈ ఘటనలో ప్రభాకర్ స్పాట్లో మృతి చెందాడు. మహేష్కు తీవ్ర గాయాలు కావడంతో ఆసుపత్రి తరలించగా చికిత్స పొందుతూ మరణించాడు. మృతదేహాలను మెదక్ ప్రభుత్వ ఆసుపత్రికి తరలించారు. ప్రమాదానికి గల కారణాలపై పోలీసులు వివరాలు సేకరిస్తున్నారు. ఈ ఘటనకు సంబంధించిన పూర్తి వివరాలు తెలియాల్సి ఉంది.
