- అడిగినన్ని పైసలు ఇవ్వకుంటే ఇన్స్టాలో పోస్ట్ చేస్తామంటూ బ్లాక్మెయిల్
- విషయం తెలుసుకున్న బంధువులు
- నిర్మానుష్య ప్రాంతానికి తీసుకెళ్లి యువకులకు దేహశుద్ధి
ఇబ్రహీంపట్నం, వెలుగు: అడిగినన్ని పైసలు ఇవ్వకుంటే మార్ఫింగ్ చేసిన ఫొటోలను సోషల్ మీడియాలో పోస్టు చేస్తామని సమీప బంధువునే బ్లాక్మెయిల్ చేశారు ఇద్దరు ప్రబుద్ధులు. రంగారెడ్డి జిల్లా అబ్దుల్లాపూర్మెట్ మండలం తొర్రూరు గ్రామానికి చెందిన విజయ్, సాయి ఇంజినీరింగ్చదువుతున్నారు. రూ.20 వేల కోసం తమ సమీప బంధువైన మహిళకు వారం రోజులుగా ఫోన్ చేసి ఇబ్బంది పెడుతున్నారు. డబ్బులు ఇవ్వకుంటే మార్ఫింగ్ చేసిన ఫొటోలను ఇన్స్టాగ్రామ్లో పెడతామన్నారు.
దీంతో విషయం తెలుసుకున్న సదరు మహిళ భర్త ఏం చేయాలో అర్థంకాక మనోవేదనకు గురయ్యారు. బుధవారం కొంతమంది బంధువులను తీసుకొని నిందితులిద్దరితోపాటు వారికి సహకరించిన సిద్దాల సూర్యను నిలదీసేందుకు వెళ్లాడు. అనంతరం వారిని ఇబ్రహీంపట్నం మండలం నాగాన్పల్లిలోని నిర్మానుష్య ప్రాంతానికి తీసుకెళ్లి చితకబాదాడు. ఇలాంటివి మళ్లీ చేస్తే బాగుండదని హెచ్చరించారు. అయితే, ఈ విషయం సోషల్ మీడియాలో వైరల్ కావడంతో ఇరువురు ఇబ్రహీంపట్నం పీఎస్లో ఫిర్యాదు చేశారు. దీంతో పోలీసులు కేసు నమోదు చేసి దర్యాప్తు చేస్తున్నారు.
