న్యూఢిల్లీ: వాట్సాప్ ద్వారా ఉబర్ రైడ్‌‌లను బుక్ చేసుకునేందుకు రైడ్-హెయిలింగ్ సంస్థ ఉబర్ ఈ ఏడాది ప్రారంభంలో వాట్సాప్తో భాగస్వామ్యం కుదుర్చుకుంది. ప్రస్తుతానికి ఈ సర్వీస్ ఢిల్లీ-–ఎన్సీఆర్, లక్నో ప్రాంతాల్లో అందుబాటులో ఉంది. మిగతా నగరాలకు త్వరలోనే విస్తరిస్తామని ఉబర్ ప్రకటించింది. వాట్సాప్ యూజర్లు కేవలం మొబైల్ నంబర్‌‌కు మెసేజ్ పంపడం ద్వారా ఉబర్ ట్యాక్సీని బుక్ చేసుకోవచ్చు. అంతేగాక తమ ట్రిప్ రసీదును వాట్సాప్లోనే పొందవచ్చు. ఇంగ్లీష్, హిందీ భాషలను ఉపయోగించి వెహికల్ను బుక్ చేసుకోవచ్చు. వాట్సాప్ ద్వారా వెహికల్ను బుక్ చేసుకోవడం ఎలాగో తెలుసుకుందాం.
స్టెప్ 1: వాట్సాప్ ద్వారా ఉబర్ వెహికల్ను బుక్ చేయడానికి, మీరు మీ ఫోన్ కాంటాక్ట్‌‌లలో ఉబర్ అధికారిక నంబర్‌ +91 7292000002ను తప్పనిసరిగా సేవ్ చేయాలి.
స్టెప్ 2: సేవ్ చేసిన తర్వాత, వాట్సాప్కి వెళ్లి ఉబర్ చాట్‌‌బాట్‌‌తో కొత్త చాట్‌‌ని ప్రారంభించండి. సేవ్ చేయకుంటే http://wa.me/917292000002 ద్వారా చాట్‌‌ని ప్రారంభించవచ్చు
స్టెప్ 3: చాట్‌‌లో ‘హాయ్’ అని మెసేజ్ పంపండి
స్టెప్ 4: ఇప్పుడు మీ పికప్/ డెస్టినేషన్ పాయిం ట్‌‌ల పూర్తి చిరునామాను పంపండి. పికప్ కోసం లైవ్ లొకేషన్ను కూడా షేర్ చేయవచ్చు
స్టెప్ 5: ఇప్పుడు ఉబర్ ఈ ప్రయాణానికి వసూలు చేసే ఛార్జీలు, ప్రయాణ సమయం వంటి వివరాలు వస్తాయి.
స్టెప్ 6: చార్జీకి ఒప్పుకున్నట్టు మెసేజ్ పంపాలి. ఇప్పుడు, సమీపంలోని డ్రైవర్ రైడ్ రిక్వెస్టును అంగీకరించిన తర్వాత ఉబర్ మీకు వాట్సాప్లో నోటిఫికేషన్‌‌ను పంపుతుంది. కాసేపట్లో వెహికల్మీ ముందుకు వస్తుంది.
