ముంబై: యూఐడీఏఐ, నేషనల్ పేమెంట్స్‌ కార్పొరేషపన్‌ ( ఎన్పీసీఐ) లు కలిసి దేశంలో కొత్తగా ఈ–కేవైసీ ప్లాట్ఫామ్ ఏర్పాటు చేయనున్నాయి. దీంతో చాలా రెగ్యులేటెడ్ ఎంటిటీలకు బెనిఫిట్ కలుగుతుందని ఆశిస్తున్నారు. రిజర్వ్ బ్యాంక్ ఆఫ్ ఇండియా, సెక్యూరిటీస్ ఎక్స్చేంజ్ బోర్డ్ ఆఫ్ ఇండియా (సెబీ), ఐఆర్డీఏ, పీఎఫ్ ఆర్డీఏ వంటి రెగ్యులేటరీ సంస్థల పరిధిలో పనిచేసే వివిధ కంపెనీలకు, ఇతర సంస్థలకు ఈ ఈ–కేవైసీ ప్లాట్ఫామ్ చాలా ఉపయోగకరంగా ఉండనుంది. కొత్త మొబైల్ కనెక్షన్లకు, బ్యాంక్ అకౌంట్ల ఓపెనింగ్కు పేపర్ లెస్ వెరిఫికేషన్ప్రక్రియనే చేపడుతున్నారు. ఆధార్ ఆధారంగా ఈ–కేవైసీ ప్రక్రియను ఇందుకోసం వినియోగిస్తున్నారు.
రాబోయే కొన్ని నెలల్లో యూఐడీఏఐ, ఎన్పీసీఐ ఏర్పాటు చేసే ప్లాట్ఫామ్ అందుబాటులోకి వస్తుందని సంబంధిత వర్గాలు తెలిపాయి. ఆధార్ సాయంతో కస్టమర్ల నుంచి ఈ–కేవైసీ తీసుకునేందుకు ఇప్పటిదాకా ఎన్బీఎఫ్సీలు, ఇతర సంస్థలు రిజిస్ట్రేషన్ పొందేవి. ఇప్పుడు ఆయా కంపెనీలకు, సంస్థలకు ఆ అవసరం ఉండదు. అంతేకాదు, యూజర్లకు కూడా చాలా భదత్ర కలగనుంది. ఎందుకంటే ఆ యూజర్ల డేటాను ఎన్బీఎఫ్సీలు లేదా ఇతర సంస్థలతో ఈ కొత్త ప్లాట్ఫామ్ షేర్ చేసుకోదు. ఫైనాన్షియల్ సర్వీసెస్ రంగంలోని కంపెనీలకు ఆధార్లోని చివరి నాలుగు అంకెలను మాత్రమే కనిపించేలా చేస్తారు. మాస్క్ చేసిన కన్జూమర్ల డేటాను సైతం వాటితో షేర్ చెయ్యరు. యూజర్లు తమ డాక్యుమెంట్ల ఫిజికల్ కాపీలను ఇవ్వాల్సిన ఆవశ్యకతా ఉండదు. దీంతో తమ డేటా చోరీకి గురవుతుందనో లేదా మిస్ యూజ్ అవుతుందనో యూజర్లు భయపడాల్సిన అవసరం ఉండదు. కొన్ని వేల కంపెనీలు యూఐడీఏఐ, ఎన్పీసీఐ ఈ–కేవైసీ ప్లాట్ఫామ్ వాడుకుంటాయి.
