యూకేలో తీవ్రవాదులు రెచ్చిపోయారు. షాపులను దోచుకున్న టెర్రరిస్టులు వాటిని దగ్ధం చేశారు. చర్మం రంగు ఆధారంగా దేశ ప్రజలపై దాడికి పాల్పడుతున్న టెర్రరిస్టులకు ప్రధాని కైర్ స్టార్మర్ స్ట్రాంగ్ వార్నింగ్ ఇచ్చారు. ముగ్గురు యువతుల హత్యపై వచ్చిన తప్పుడు కథనాలతో చెలరేగిన ఈ అల్లర్లు దశాబ్దంలోనే తీవ్రమైనవని అంటున్నారు. యాంటీ ఇమ్మిగ్రేషన్ నిరసనల సమయంలో బెల్ ఫాస్ట్ లోని ఓ కేఫ్ ను తగలబెట్టారు తీవ్రవాదులు.
ఈ క్రమంలో ప్రధాని కైర్ స్టార్మర్ మాట్లాడుతూ.. ఈ దాడులకు పాల్పడ్డ ఫార్ రైట్ తగ్స్ వారి చర్యలకు తప్పకుండా పశ్చాత్తాపపడతారని, చట్టరీత్య ఎదురయ్యే పరిణామాలను ఎదుర్కొంటారని హెచ్చరించారు. ఈ తీవ్రవాద గుంపు మన దేశానికి ప్రాతినిధ్యం వహించదని, మేము వారిని కోర్టు మెట్లు ఎక్కిస్తామని అన్నారు. జాతి, మతం ఆధారంగా జరుగుతున్న దాడుల బాధితులకు అండగా ఉంటామని హామీ ఇచ్చారు ప్రధాని కైర్ స్టార్మర్.
