- ఎయిర్ టార్గెట్ను ఛేదించడం ఫస్ట్ టైమ్ అని వెల్లడి
ఉక్రెయిన్: రష్యా హెలికాప్టర్ను ఉక్రెయిన్ నావల్ డ్రోన్ మిసైల్ కూల్చేసింది. నల్ల సముద్రంలో నావల్ డ్రోన్ల సాయంతో రష్యాపై దాడి చేసినట్లు ఉక్రెయిన్ మిలటరీ ఇంటలిజెన్స్ ప్రకటించింది. ఈ మేరకు రష్యాకు చెందిన ఎంఐ–8 హెలికాప్టర్ను ‘మగురా వీ5 నావల్ డ్రోన్’ కూల్చేస్తున్న వీడియోను ట్విటర్లో పోస్టు చేసింది. నల్ల సముద్రంలో నావల్ డ్రోన్ కదలికలను గుర్తించిన రష్యన్ ఎంఐ 8 హెలికాప్టర్.. దానిపై కాల్పులు జరిపింది. నీళ్లలో బుల్లెట్లు దూసుకెళ్లడం కూడా వీడియోలో స్పష్టంగా కనిపిస్తున్నది. కాల్పులతో అలర్ట్ అయిన మగురా వీ5 నావల్ డ్రోన్.. వెంటనే కంట్రోల్ సెంటర్కు సమాచారం చేరవేసింది.
ఆ తర్వాత, థర్మల్ ఇమేజ్ సాయంతో నావల్ డ్రోన్పై అమర్చిన మిసైల్.. హెలికాప్టర్ను క్యాప్చర్ చేసి గురిపెట్టింది. క్షిపణి దూసుకెళ్లి హెలికాప్టర్ను తాకడంతో క్షణాల వ్యవధిలోనే అది నల్ల సముద్రంలో కూలిపోయింది. మరో హెలికాప్టర్ను కూడా నావల్ డ్రోన్ డ్యామేజ్ చేసింది. ‘‘నా హెలికాప్టర్పై ఉక్రెయిన్ నావల్ డ్రోన్ మిసైల్ దాడి చేసింది.. హెలికాప్టర్ కూలిపోతున్నది’’అని పైలెట్ చెప్పడం ఇంటర్ సెప్టెడ్ రేడియో కమ్యూనికేషన్స్ లో రికార్డ్ అయింది. ఎయిర్ టార్గెట్ను నావల్ డ్రోన్ల సాయంతో కూల్చడం ఇదే ఫస్ట్ టైమ్ అని ఉక్రెయిన్కు చెందిన మిలటరీ ఇంటలిజెన్స్ సర్వీస్ తెలిపింది.
