- ట్రాఫిక్ సమస్యకు చెక్ పెట్టేందుకు ఉమ్టా ప్లాన్
- ఇప్పటికే మెట్రో స్టేషన్కిందికి బస్టాప్మార్పు
- బేగంపేట రూట్లో కొత్తగా ఐలాండ్, ట్రాఫిక్సిగ్నల్స్
- వారంలో రోజుల్లో ఫుట్ పాత్ లపై వ్యాపారాలు తొలగింపు
- సత్యం థియేటర్, ఇతర ప్రాంతాలకు మార్చాలని నిర్ణయం
హైదరాబాద్ సిటీ, వెలుగు: సిటీలో ట్రాఫిక్సమస్యకు చెక్ పెట్టేందుకు యునిఫైడ్ మెట్రో పాలిటన్ ట్రాన్స్పోర్ట్ అథారిటీ(ఉమ్టా) చర్యలు తీసుకుంటోంది. ప్రజా రవాణాను పెంచి, పాదచారుల రాకపోకలను ఈజీ చేసేందుకు రోడ్లపై మార్పులు చేస్తోంది. రద్దీగా ఉండే ప్రధాన జంక్షన్ల విస్తరణకు ప్లాన్లు రెడీ చేసింది. ట్రాఫిక్, ఆర్టీసీ, మెట్రో విభాగాల మధ్య సమన్వయంతో జంక్షన్లు, ఫుట్పాత్లు అభివృద్ధి చేయాలని నిర్ణయించింది. ప్రయాణికులు ఒక ట్రాన్స్పోర్ట్ మోడ్ నుంచి మరో ట్రాన్స్పోర్ట్ మోడ్లోకి తేలిగ్గా మారి తమ గమ్యస్థానాలను సులువుగా చేరుకోవడానికి వీలుగా ప్లాన్స్చేస్తోంది.
ముందుగా అమీర్పేటలో..
అమీర్పేట జంక్షన్లోని మైత్రీవనం ట్రాఫిక్సిగ్నల్స్వద్ద నిత్యం రద్దీ ఉంటుంది. పేరు మోసిన షాపింగ్మాల్స్, ఇతర వ్యాపార సముదాయాలు, సాఫ్ట్వేర్కోచింగ్సెంటర్లు, విద్యా సంస్థలు, హాస్టల్స్అన్నీ ఈ జంక్షన్చుట్టుపక్కలే ఉన్నాయి. అలాగే ఇక్కడి మెట్రో స్టేషన్ ఇంటర్ ఛేంజ్ స్టేషన్. ఎల్బీనగర్నుంచి రాయదుర్గం, మియాపూర్నుంచి రాయదుర్గం వెళ్లేవారు ఇక్కడ రైలు మారాల్సి ఉంటుంది. వీటితోపాటు కూకట్పల్లి, పంజాగుట్ట, జూబ్లీహిల్స్, బేగంపేట వైపు వెళ్లే వాహనాలతో అమీర్పేట జంక్షన్ఎప్పుడూ రద్దీగా ఉంటుంది.
అమీర్పేట జంక్షన్లో మెట్రో దిగిన ప్రయాణికులు కిందికి దిగి వేరే ప్రాంతాలకు వెళ్లడానికి బస్టాప్కోసం వెతకాల్సి వస్తోంది. మొన్నటి దాకా పటాన్చెరు, కూకట్పల్లి వైపు నుంచి వచ్చే బస్సులు స్వర్ణజయంతి కాంప్లెక్స్ వద్ద ఆపారు. ఇక్కడ బస్ దిగిన వారు మెట్రో ఎక్కడానికి కొంత దూరం నడవాల్సి వచ్చేది. తాజాగా ఉమ్టా అధికారులు స్వర్ణజయంతి కాంప్లెక్స్ వద్ద ఉన్న బస్టాపును మెట్రోస్టేషన్ కిందికి మార్చారు. బస్సు దిగి మెట్రో ఎక్కాలనుకునే వారికి వీలుగా ఏర్పాటు చేశారు.
ఇక నుంచి ట్రాఫిక్సిగ్నల్స్వద్ద బస్సుల రద్దీ ఉండదు. అలాగే అమీర్పేట మెట్రో స్టేషన్నుంచి పంజాగుట్ట మెట్రో స్టేషన్దగ్గర్లోని స్మార్ట్బజార్వరకు ఫుట్పాత్లపై స్ట్రీట్షాపింగ్నడుస్తుండడంతో పాదచారులకు ఇబ్బందిగా ఉంటోంది. అంతా రోడ్లపైనే నడుస్తుండడంతో ట్రాఫిక్సమస్యలు తలెత్తుతున్నాయి. ఈ క్రమంలో ఫుట్పాత్ఆక్రమణలను తొలగించడానికి ఉమ్టా ప్లాన్చేసింది.
స్ట్రీట్షాపింగ్సత్యం థియేటర్వైపు..
సత్యం థియేటర్నుంచి అమీర్పేట మెట్రో స్టేషన్మీదుగా పంజాగుట్ట వెళ్లే వాహనాలు, సారథి స్టూడియో నుంచి అమీర్పేట మెట్రో స్టేషన్మీదుగా పంజాగుట్ట వెళ్లే వాహనాలు, కూకట్పల్లి నుంచి అమీర్పేట వైపు వచ్చే వాహనాలను నియంత్రించేందుకు బేగంపేట రూట్లోని టర్నింగ్వద్ద ఐలాండ్ ఏర్పాటుతోపాటు సిగ్నలింగ్ వ్యవస్థను ఏర్పాటు చేయాలని ఉమ్టా ప్రతిపాదించింది. అలాగే ఇక్కడి ఫుట్పాత్లపై ఉన్న వ్యాపారులను సత్యం థియేటర్పైపు మార్చనున్నారు.
అలాగే మిగతా అన్నివైపులా ఉన్న ఫుట్పాత్ వ్యాపారులను తరలించాలని ప్లాన్చేస్తున్నారు. కాలుష్యరహిత, పర్యావరణ హిత రవాణా సదుపాయాలను పెంచడానికి ఎలక్ట్రిక్ వాహనాలు, సైకిళ్ల వినియోగాన్ని పెంచాలని చూస్తున్నారు. అమీర్పేటతో పాటు ప్రధానమైన మెట్రో స్టేషన్లను ఎంపిక చేసి వాటి చుట్టూ 500 మీటర్ల పరిధిలో ఫుట్పాత్లను ఏర్పాటు చేయాలని భావిస్తోంది. వీటిపై కొన్నిచోట్ల సైకిళ్లు, బ్యాటరీ వాహనాలు ఏర్పాటు చేస్తారు.
ఢిల్లీ లాంటి నగరంలో ఎంపిక చేసిన మెట్రోస్టేషన్లలో ఇప్పటికే ఈ విధానాన్ని అమలు చేస్తున్నారు. ఈ విధంగా హైదరాబాద్లో కూడా కూడళ్లు, జంక్షన్ల అభివృద్ధి చేయడం వల్ల నాన్ మోటరైజ్డ్ వాహనాల వినియోగం పెరుగుతుందని అధికారులు భావిస్తున్నారు. ఇక ఇక్కడి ఫుత్పాత్లను కూడా విస్తరించడం వల్ల ట్రాఫిక్ సమస్యలను నివారించవచ్చని అధికారులు చెబుతున్నారు. మీటర్పేట జంక్షన్ ఇంప్రూవ్ మెంట్ సక్సెస్ అయితే మరిన్ని కీలక జంక్షన్లను కూడా అభివృద్ధి చేసేందుకు ఉమ్టా ప్రణాళికలు సిద్ధం చేస్తోంది.
