హైదరాబాద్, వెలుగు: గ్రేటర్సిటీలో పబ్లిక్ ట్రాన్స్ పోర్ట్ ను ఈజీ చేయడ మే లక్ష్యంగా యూనిఫైడ్మెట్రోపాలిటన్ట్రాన్స్పోర్ట్అథారిటీ(ఉమ్టా) ప్రత్యేక చర్యలకు శ్రీకారం చుట్టింది. హెచ్ఎండీఏ పరిధిలో ట్రాఫిక్ప్రాబ్లమ్స్, నివారణ చర్యలు, ట్రాన్స్ పోర్ట్ మెరుగు పర్చేలా త్వరలో సిటీలో మరో కొత్త ట్రాఫిక్ సిస్టమ్ ను ప్రవేశపెట్టనుంది. ఇందుకు పోలీసు, రవాణా, ఆర్టీసీ, మెట్రోరైల్, రైల్వే, బల్దియా కో ఆర్డినేషన్ తో సమగ్ర కాంప్రెహెన్సీవ్ ట్రాఫిక్సిస్టం(సమగ్ర ట్రాఫిక్ విధానం) రూపొందించేందుకు కసరత్తు చేస్తోంది. రోజు రోజుకూ పెరిగే ట్రాఫిక్ సమస్యలకు కారణాలు తెలుసుకోవడమే కాకుండా ప్రజా రవాణా మరింత మెరుగు ఎలాంటి చర్యలు తీసుకోవాలనే దానిపై ఉమ్టా ప్రత్యేక సర్వే నిర్వహిస్తోంది. సిటీలో 10వేల మందిని శాంపిల్గా తీసుకుని సర్వే చేస్తున్నట్టు ఉమ్టా ఉన్నతాధికారులు తెలిపారు. ఒక్కో కుటుంబంలో ఎంత మంది రోజూ ప్రయాణాలు చేస్తుంటారు. ఒక చోట నుంచి ఇంకో చోటకు వెళ్లడానికి దేనికి ప్రాధాన్యత ఇస్తుంటారనే విషయాలను సర్వే ద్వారా తెలుసుకుంటున్నారు. ట్రాఫిక్నివారణకు ఎలాంటి చర్యలు తీసుకుంటే బాగుంటుందని ఇంటింటి సర్వేలో భాగంగా ప్రజల నుంచి ఫీడ్బ్యాక్ కూడా తీసుకుంటున్నారు. తద్వారా సిటీలో భవిష్యత్ లో ఎలాంటి పబ్లిక్ ట్రాన్స్ పోర్ట్ అమలు చేయాలనేది తెలుస్తుంటున్నారు. ట్రాఫిక్ సమస్య నివారణకు చర్యలు తీసుకునేందుకు చాన్స్ కూడా ఉంటుందంటున్నారు.
పబ్లిక్ ట్రాన్స్ పోర్ట్ ఎక్కువగా వినియోగించేలా..
సిటీ రోడ్లపై రోజుకు 80లక్షల వాహనాలు తిరుగుతుండగా, కొత్తగా వేల సంఖ్యలో వస్తున్నాయి. దీంతో ట్రాఫిక్సమస్యలు తీవ్రమవుతున్నాయి. ప్రజలు సొంత వాహనాలను తక్కువ వాడుతూ.. పబ్లిక్ ట్రాన్స్ పోర్ట్ అయిన బస్లు, మెట్రో, ఎంఎంటీఎస్వంటివి ఎక్కువగా వినియోగించుకునేలా చేయడం ద్వారా ట్రాఫిక్రద్దీని తగ్గించవచ్చని అధికారులు భావిస్తున్నారు. ముఖ్యంగా బస్టాండ్స్, మెట్రోస్టేషన్లు, రైల్వే స్టేషన్లకు 500 మీటర్ల రేడియస్లో పార్కింగ్లాట్స్ఏర్పాటు ద్వారా రోడ్లపైకి వాహనాలు రావడాన్ని అడ్డుకోవచ్చని కూడా ఉన్నతాధికారులు అభిప్రాయపడుతున్నారు.
ప్రత్యేక పార్కింగ్ లాట్స్
పబ్లిక్ ట్రాన్స్ పోర్ట్ వైపు ఎక్కువగా ప్రజలను మళ్లించడం ద్వారా సిటీలో ట్రాఫిక్ సమస్య నివారణకు చాన్స్ ఉంటుందని అధికారులు భావిస్తున్నారు. రైల్వేస్టేషన్లు, బస్ స్టేషన్ల ఏరియాల్లో ప్రతేకంగా పార్కింగ్లాట్స్ఏర్పాటు చేయాలని కూడా ప్రతిపాదిస్తున్నట్టు చెప్పారు. సిటీలో హారిజాంటల్ గా కాకుండా వర్టికల్గా విస్తరించేలా అభివృద్ధి జరగాలని కూడా సూచనలు చేస్తున్నట్టు తెలిపారు. దీంతో ట్రాఫిక్ సమస్యలను తగ్గించవచ్చంటున్నారు. సిటీలో పలు చౌరస్తాలను, జంక్షన్లను కూడా విస్తరించాల్సి ఉందని ఉమ్టా భావిస్తోంది. ట్రాఫిక్ సమస్య నివారణ, పార్కింగ్ లాట్స్ నిర్మాణం, పబ్లిక్ ట్రాన్స్ పోర్ట్ ను ప్రోత్సహించడం వంటి ప్రధాన అంశాలపై త్వరలో వివిధ కీలక శాఖలతో సమావేశం నిర్వహించనున్నట్టు అధికారులు తెలిపారు. ఇంటింటి సర్వే, ట్రాఫిక్ సమస్యల నివారణ వంటి పలు అంశాలపై ఒక నివేదికను ప్రభుత్వానికి త్వరలోనే ఇవ్వనున్నట్టు అధికారులు పేర్కొన్నారు.
