ఈ విషయంలో రిచ్ కంట్రీస్ పద్ధతి బాలేదు
యూఎన్ చీఫ్ గుటెరస్
యునైటెడ్ నేషన్స్: కరోనా వ్యాక్సిన్ తమ ప్రజలకు అందితే చాలన్నట్టు సంపన్న దేశాల వైఖరి ఉందని, పేద దేశాల గురించి పట్టించుకోవడం లేదని యూఎన్ చీఫ్ ఆంటోనియో గుటెరస్ అన్నారు. పేద దేశాల ప్రజలకు వ్యాక్సిన్ ఎప్పుడు అందుతుందో తెలియని పరిస్థితి ఉందని ఆందోళన వ్యక్తం చేశారు. ముఖ్యంగా ఆఫ్రికాలో ప్రతి ఒక్కరికీ, ప్రతి చోటా వ్యాక్సిన్ వేయాలని స్పష్టం చేశారు. పేదలకు వ్యాక్సిన్ అందించడానికి చేపట్టిన కోవాక్స్ ప్రోగ్రామ్ కోసం డబ్ల్యూహెచ్ఓకు 4.2 బిలియన్ డాలర్లు ఇవ్వాలని కోరారు. వర్చువల్ మీటింగ్ ద్వారా ఆయన ఆఫ్రికన్ యూనియన్ లీడర్లతో సమావేశం తరువాత మీడియాతో మాట్లాడుతూ ఆఫ్రికన్లకు వ్యాక్సిన్ దొరకాలంటే కోవాక్స్ ప్రోగ్రామ్ ఒక్కటే మార్గమని అన్నారు. వ్యాక్సిన్ అందుబాటులోకి వస్తే, తాను అందరిముందే వేయించుకుంటానని ఒక ప్రశ్నకు జవాబుగా చెప్పారు. ఇలా చేయడం ప్రతి ఒక్కరి బాధ్యత అని గుటెరస్ స్పష్టం చేశారు. ఇదిలా ఉంటే, ఇంగ్లండ్, రష్యా దేశాల్లో ఇది వరకే వ్యాక్సిన్ డ్రైవ్ మొదలైంది.
For More News..
