ఫేస్ బుక్ మెసేంజర్ లో చాట్ చేసే అలవాటు ఉందా? అప్పుడప్పుడు పొరబాటుగా పంపకూడని మెసేజెస్ పంపి.. తర్వాత వివరణ ఇచ్చుకుని బాధపడుతున్నారా? ఇక ఆ తలనొప్పి ఉండబోదు. వాట్సాప్ లో ఉన్న అన్ సెండ్ మెసేజ్ ఫీచర్ ను ఫేస్ బుక్ మెసెంజర్ కూడా అందుబాటులోకి తెచ్చింది. 10 నిమిషాల్లోపే మీరు పంపిన మెసేజ్ ను పొరబాటు అని గుర్తిస్తే చాలు. దాన్ని ‘డిలీట్ ఎవ్రివన్’ కొడితే ఆ మెసేజ్ ఇక ఇద్దరికీ కనబడదు.
సింపుల్ ప్రాసెస్
- మెసెంజర్ లో పంపిన మెసేజ్ ను అన్ సెండ్ చేయడం చాలా సింపుల్.
- పొరబాటుగా పంపిన మెసేజ్ ను ట్యాప్ చేసి పట్టుకోవాలి.
- కింద కాపీ, రిమోవ్, ఫార్వర్డ్ అనే ఆప్షన్లు కనిపిస్తాయి.
- వాటిలో రిమోవ్ సెలెక్ట్ చేస్తే.. రిమోవ్ ఎవ్రివన్, రిమోవ్ ఫర్ యూ అని రెండు ఆప్షన్లు వస్తాయి.
- రిమోవ్ ఎవ్రివన్ సెలెక్ట్ చేస్తే చాలు. మీరు పంపిన మెసేజ్ ఇద్దరి ఫోన్లలోనూ డిలీట్ అయిపోతుంది.
- మెసేజ్ పంపిన 10 నిమిషాల్లోనే ఇది వీలవుతుందని మెసెంజర్ ప్రోడక్ట్ మేనేజర్ ఇస్కికియాన్ తెలిపారు.
అయితే దీనికి ముందు మెసెంజర్ యాప్ ను అప్ డేట్ చేసుకోవాలి. ఆండ్రాయిడ్, ఐవోస్ ఫోన్లన్నింటీలోనూ ఈ కొత్త ఫీచర్ వచ్చేసింది.
