ఈరోజుల్లో కూడా మహిళలపై హింస కొనసాగుతూనే ఉంది. ఇది అక్కడ.. ఇక్కడ అని కాకుండా ప్రపంచవ్యాప్తంగా ఉంది. UN ఉమెన్, యునైటెడ్ నేషన్స్ ఆఫీస్ ఆన్ డ్రగ్స్ అండ్ క్రైమ్ మహిళలపై హింస పెరుగుతుందని నివేదికలు వెల్లడించాయి. ఈ సంస్థలు విడుదల చేసిన డేటా చూస్తే భయాందోళనలు కలిగిస్తున్నాయి. ప్రతి 10 నిమిషాలకు ఓ మహిళ లేదా బాలింతని ఉద్దేశపూర్వకంగా చంపేస్తున్నారట. 25 నవంబర్ 2024 మహిళలపై హింస నిర్మూలన అంతర్జాతీయ దినోత్సవం సందర్భంగా గ్లోబల్ ఎస్టిమేట్స్ ఆఫ్ ఇంటిమేట్ పార్ట్‌నర్, ఫ్యామిలీ మెంబర్ స్త్రీహత్యలు తీవ్రమైనవని వెల్లడిస్తున్నాయి. స్త్రీలు, బాలికలపై హింస- ప్రపంచవ్యాప్తంగా జరుగుతుందని వారి తెలిపారు.
ప్రపంచవ్యాప్తంగా 2023లో 85వేల మంది మహిళలు, బాలికలను హత్య చేశారని స్వచ్ఛంద సంస్థలు వెల్లడించిన రిపోర్ట్ లో తేలింది. ఈ హత్యలలో 60 శాతం బాధితులకు దగ్గర వ్యక్తులు లేదా వారి భాగస్వాములే చేస్తున్నారట. ప్రతి రోజు 140 మంది మహిళలు, బాలికలు వారి భర్తలు లేదా బంధువుల చేతిలో మరణిస్తున్నారని డేటా లెక్కలున్నాయి. అంటే ప్రతి 10 నిమిషాలకు ఓ మహిళ లేదా బాలిక హత్యకు గురైతుంది.
2023లో స్త్రీలపై జరిగిన హింసలో ఆఫ్రికా మొదట, ఆ తర్వాత అమెరికాల ఉంది. వీటి తర్వాత ఓషియానియా, ఐరోపాల్లో మహిళలపై హింసకు పాల్పడుతున్నట్లు తెలుస్తోంది. ఈ నేరాల్లో ఎక్కువగా భర్త, కుటుంబ సభ్యులే ప్రధాన నేరస్థులుగా ఉన్నారు.
