యునెస్కో ఆసియా పసిఫిక్ అవార్డ్స్ ఫర్ కల్చరల్ హెరిటేజ్ కన్జర్వేషన్ 2024లో భాగంగా అవార్డ్ ఆఫ్ డిస్టింక్షన్, అవార్డ్ ఆఫ్ మెరిట్కు భారత్లోని రెండు ప్రాంతాలు ఎంపికైనట్లు యునెస్కో ప్రకటించింది. తమిళనాడులో తంజావూరు జిల్లా అభత్సహాయేశ్వర్ టెంపుల్ కన్జర్వేషన్ ప్రాజెక్ట్, మహారాష్ట్రలోని సర్ బెనర్జీ పార్సీ చారిటబుల్ ఇన్స్టిట్యూషన్(బీజేపీసీఐ) కన్జర్వేషన్ ప్రాజెక్టులు ఎంపికైన వాటిలో ఉన్నాయి.
అభత్సహాయేశ్వర్ టెంపుల్
తమిళనాడు రాష్ట్రం తంజావూరు జిల్లా అలాంగుడి గ్రామంలో 1300 సంవత్సరాల క్రితం చోళ వంశీయుల రాజు విక్రమచోళుడు, కులోత్తుంగచోళుడు అభత్సహాయేశ్వర్ ఆలయాన్ని నిర్మించాడు. ఇందులో సౌందర్యనాయకి అంబాల్, అష్టభుజ దుర్గా పరమేశ్వరి, ఆది శరబేశ్వర్, పిల్లయూర్, మురగన్, చండీకేశ్వరుడితో సహా అనేక ఆలయాలు ఉన్నాయి. అభత్సహాయేశ్వర్ టెంపుల్ దక్షిణామూర్తికి అంకితం చేశారు.
బీజేపీసీఐ కన్జర్వేషన్ ప్రాజెక్టు
మహారాష్ట్ర రాజధాని ముంబయిలోని సర్ బెనర్జీ పార్సీ చారిటబుల్ ఇన్స్టిట్యూషన్(బీజేపీసీఐ) కన్జర్వేషన్ ప్రాజెక్ట్ ఇదో చారిత్రాత్మక విద్యా సంస్థ. సమాజంలో ఆర్థికంగా బలహీనవర్గాలకు విద్యను అందించాలన్న ఉద్దేశంతో మహారాష్ట్రలోని ముంబయిలో 1908లో గోథిక్ శైలిలో నిర్మించారు.
అవార్డు గురించి
యునెస్కో ఆసియా పసిఫిక్ అవార్డ్ ఫర్ కల్చరల్ హెరిటేజ్ కన్జర్వేషన్ 2000లో యునెస్కో ప్రారంభించింది. ఆసియా, పసిఫిక్ ప్రాంతంలోని ప్రాచీన నిర్మాణాలను, స్మారక చిహ్నాలను పరిరక్షించడానికి, పునరుద్ధరించడానికి చేసిన ప్రయత్నాలకుగాను వ్యక్తులకు, సంస్థలకు ఈ అవార్డు ఇస్తారు.
యునెస్కో
ఐక్యరాజ్యసమితి ప్రత్యేక ఏజెన్సీ యునెస్కో. ఈ సంస్థను 1945లో స్థాపించారు. ప్రధాన కార్యాలయం పారిస్లో ఉంది. దీని లక్ష్యం విద్య, కళలు, సైన్స్, సంస్కృతిలో అంతర్జాతీయ సహకారం ద్వారా ప్రపంచ శాంతి, భద్రతను ప్రోత్సహించడం. ప్రస్తుతం 195 సభ్య దేశాలు, ఎనిమిది అసోసియేట్సభ్యదేశాలు ఉన్నాయి.
