- రెండేండ్లు దాటినా పూర్తికాని ఇంటిగ్రేటెడ్ మార్కెట్ కాంప్లెంక్స్
- ఐదేండ్లుగా అసంపూర్తిగా డ్రైనేజీ, ఫుట్పాత్ల నిర్మాణం
- కొత్త ప్రభుత్వంపైనే ఆశలు
కామారెడ్డి, వెలుగు : కామారెడ్డి జిల్లా కేంద్రంలో కోట్ల రూపాయల అంచనాలతో ప్రారంభించిన పనులు అర్ధాంతరంగా నిలిచిపోయాయి. శంకుస్థాపన చేసి ఏండ్లు గడుస్తున్నా ఆయా పనులు ఇప్పటికీ కంప్లీట్ కాలేదు. నిధుల కొరత, లీడర్ల పట్టించుకోకపోవడం, ఆఫీసర్ల నిర్లక్ష్యంతో పనులు ముందుకు సాగడం లేదు. జిల్లా కేంద్రం కామారెడ్డిలో లక్షకు పైగా జనాభా ఉంటారు.
నిత్యం వేలాది మంది రాకపోకలు సాగిస్తారు. గత ప్రభుత్వంనిధులు కేటాయించకపోవడంతో ఆయా పనులు మధ్యలోనే ఆగాయి. ప్రభుత్వం మారిన నేపథ్యంలో, ఈ గవర్నమెంట్హయాంలోనైనా పాలకులు పట్టించుకొని త్వరగా కంప్లీట్చేయాలని టౌన్ప్రజలు కోరుతున్నారు.
డ్రైనేజీ, పూట్పాత్ల నిర్మాణం అస్తవ్యస్తం
రూ. కోట్ల ఫండ్స్తో కొత్త బస్టాండ్ నుంచి హౌజింగ్బోర్డు కాలనీ వరకు రోడ్డుకు రెండు వైపులా డ్రైనేజీ, ఫుట్పాత్ల నిర్మాణాన్ని ప్రారంభించారు. 2018లో షురూ చేసిన పనులు సగంలోనే ఆగిపోయాయి. బస్టాండ్ నుంచి మున్సిపల్ ఆఫీస్వరకు, కొత్త బస్టాండ్ నుంచి నిజాంసాగర్ చౌరస్తా వరకు పనులు ప్రారంభించి ఆపేశారు. ఇంకా కిలోమీటరున్నర మేర పనులు కాలేదు. ఫుట్పాత్లు కూడా సగం కట్టారు.
చాలా చోట్ల షాప్ల ఓనర్లు డ్రైనేజీ పై స్లాబ్వేసుకున్నారు. 5 ఏండ్లు దాటినా పట్టించుకునే వారు లేరు. టౌన్లో నిజాంసాగర్ చౌరస్తా, కొత్త బస్టాండ్సమీపంలోని చర్చి చౌరస్తా, ఇందిరా చౌక్, రామారెడ్డి రోడ్డు చౌరస్తా వద్ద జంక్షన్ల డెవలప్మెంట్కు ప్రతిపాదనలు పంపారు. కానీ పనులు షురూ చేయలేదు. జంక్షన్లు సరిగా లేక వెహికల్స్ రాకపోకలకు ఇబ్బందులు తలెత్తుతున్నాయి. కొత్త ప్రభుత్వం దృష్టి సారిస్తే ఆయా పనులు త్వరగా పూర్తవుతాయి.
మధ్యలోనే ఆగిన ఇంటిగ్రేటెడ్ మార్కెట్ కాంప్లెక్స్
కామారెడ్డి గాంధీ గంజ్లో రూ.7.20 కోట్ల అంచనా వ్యయంతో గత ప్రభుత్వం ఇంటిగ్రేటెడ్ మార్కెట్ కాంప్లెక్స్ నిర్మాణాన్ని చేపట్టింది. 2021, ఆగస్టులో అప్పటి కామారెడ్డి ఎమ్మెల్యే గంప గోవర్ధన్పనులకు శంకుస్థాపన చేశారు. స్థానిక ప్రజల అవసరాల కోసం విశాల మైదానంలో కూరగాయలు, మాంసాహార మార్కెట్ కాంప్లెక్స్ను నిర్మించాల్సి ఉంది. 28 నెలలు గడిచినా సగం పనులు కూడా పూర్తి కాలేదు.
తాము చేసిన పనులకు బిల్లులు రాక కాంట్రాక్టర్ మిగతా పనులు చేయడం లేదు. దీంతో ప్రస్తుతమున్న కూరగాయల మార్కెట్ సరిపోక ప్రజలు ఇబ్బందులు పడుతున్నారు. తిలక్ రోడ్లోని డెయిలీ మార్కెట్ చిన్నగా ఉంది. ఇందులో ఉన్న 2 షెడ్లు శిథిలమయ్యాయి. రైతులు, వ్యాపారులు రోడ్లపై కూర్చుండే కూరగాయలు అమ్ముతున్నారు. రూ.50 లక్షలతో రైతుబజార్ నిర్మించి ఐదేండ్లవుతున్నా అందులో రైతులను కూర్చోనివ్వడం లేదు.
