- నెలలు గడుస్తున్నా బైక్ సర్వీస్చేయలేదని కస్టమర్ నిరసన
రామచంద్రాపురం, వెలుగు: బ్యాటరీ సమస్య ఉందని సర్వీసింగ్ కు ఇచ్చిన బైక్ను నెలలు గడుస్తున్నా తిరిగి ఇవ్వడంలేదని ఓ ఓలా కస్టమర్ షోరూంకు చెప్పుల దండ వేసి నిరసన తెలిపాడు. ఈ సంఘటన సంగారెడ్డి జిల్లా రామచంద్రాపురం పరిధిలోని అశోక్నగర్లో శుక్రవారం జరిగింది. సంగారెడ్డికి చెందిన సంతోష్ కుమార్ఏడాది కింద అశోక్నగర్లోని ఓలా షోరూంలో ఓ బైక్ కొనుగోలు చేశాడు.
ఇటీవల బ్యాటరీ సమస్య ఉందని, మైలేజ్ తక్కువ ఇస్తోందనే కారణంతో ఓలా సర్వీస్సెంటర్కు వచ్చాడు. వారం రోజుల్లో రిపేర్ చేసి ఇస్తామని చెప్పిన నిర్వాహకులు నెల గడిచినా బైక్ను సర్వీసింగ్ చేయలేదని, షోరూం వద్దకు వచ్చి అడిగితే నిర్లక్ష్యంగా ప్రవర్తిస్తున్నారని ఆరోపించాడు. ఈ విషయంపై వినిమోగదారుల ఫోరంలో ఫిర్యాదు చేస్తానని పేర్కొన్నాడు.
